Popular Bible Verses from متّی ۷

Share

«اَنقدر بخوأیید کی بدس بأورید؛ اَنقدر وأمجید کی بیأفید؛ و اَنقدر بوکوبید کی در شِمره وازَ به.

چونکی هر کی اَ کارأنٚ دورون ایدامه بده موفق به، هر کی بخوأیه، به دس اَوره، هر کی‌یم وامجه، پیدا کونه و هر کی بوکوبه، در اونٚ رِه وازَ به.

«هَنٚ وأسی هر کی می گبأنَ بیشنَوه و اوشأنَ عمل بوکونه، ایتأ عاقلٚ مردأکَ مأنه کی خو خانه‌یَ صخره سر چأکوده‌بو.

هَنٚ وأسی مردومٚ اَمرأ، هو جور رفتار بوکونید کی خوأییدی اوشأنم شیمی اَمرأ هو جور رفتار بوکونید. اَن ایسه خلاصه‌یٚ تورات و انبیا نیوشته‌یأن.

ولی تنگ ایسه او دروازه و سخته او رأیی کی به حیات ختمَ به و کم ایسیدی کسأنی کی اونَ پیدا کونیدی.

«تنگٚ دروازه جأ بأیید بودورون، چونکی پت و پهنه او دروازه، و عریضه او رأیی کی به هلاکت ختمَ به و ایتأ عالمه ایسیدی اوشأنی کی اونٚ دورون شیدی.

هسأ اگه شومأن، با اَنکی شیمی ذات خرابه، دأنیدی وأستی خوروم چیزأنَ شیمی زأکأنَ فدید، چقدر ویشتر شیمی آسمانی پئر خوروم چیزأنَ فده اوشأنی‌یَ کی اونٚ جأ خوأییدی.

«دیگرأنَ قضاوت نوکونید تا خودا شمرَ قضاوت نوکونه چونکی هوطو کی دیگرأنَ قضاوت کونیدی، خودا شمرَ قضاوت کونه و هو اندازه پیمانه اَمرأ کی دیگرأنَ فدیدی، شومأنم هو قدر فیگیریدی.

ولی هر کی می گبأنَ بیشنَوه و عمل نوکونه، ایتأ بی‌عقلٚ مردأکَ مأنه کی خو خانه‌یَ فورشٚ سر چأکوده.

چره پرٚ کاهَ تی برأرٚ چومٚ دورون دینی، ولی روبارخالی کی تی چوم دره وأخبر نی‌یی؟ چوطویی تأنی تی برأرَ بیگی: ‹بِیس، پرٚ کاهَ تی چومٚ جأ بیرون بأورم،› در حالی کی خودت ایتأ روبارخال تی چومٚ دورونی دأری؟

«پیغمبرأنٚ دوروغی هوایَ بدأر. اوشأن، گوسفندأنٚ لیباسٚ میأن شیمی ورجأ اَییدی، امّا خوشأنٚ باطنٚ میأن گرگٚ درنده ایسیدی. اوشأنٚ میوه‌یأنٚ جأ، اوشأنَ شنأسیدی. آیا تأنیدی انگورَ، جٚه تمش و انجیلَ، خار و خسٚ جأ بچینید؟

هَطو ایسه کی هر خوروم درخت، خوروم میوه فده، درختی‌یم کی بد ببه، بدٚ میوه اَوره.

خوروم درخت نتأنه بدٚ میوه بأوره و درختی‌یم کی بد ایسه، نتأنه خوروم میوه بأوره.

هر درختی کی خوروم میوه فَنده، وأوِه به و آتشٚ میأنی تأودَه به.