Popular Bible Verses from LOS HECHOS 17

Share

To bairona mani ca-cũuñupi, cʉ̃re mani ca-tʉgooña maca bʉga nʉcʉbʉgoparore bairo ĩi. Jõopʉna ca-yoaropʉ aniquẽemi. Mani tʉna ãmi.

’Dio nemoopʉre jicãʉ camajocʉre cʉ̃ cá-áti jʉgoyupi. Cʉ̃ jʉgorina camaja to canacã poa macana ati yepa nipetiropʉ ca-ani bateparãre na ca-cũuñupi Dio. To bairona mani ca-catípa rʉmʉri cõo quenare, mani ca-anipa paʉri mani ca-anipe quenare ca-cũuñupi.

’Cʉ̃a Dio ati ʉmʉrecóo, to macana nipetirãre cá-átacʉ ãmi. Jõ bui, ati yepa nipetiro Ʉpaʉ ãmi. To bairi Caʉpaʉ aniri ati yepa macá wii camaja na cá-áta wii cʉ̃re na cá-áti nʉcʉbʉgopa wiipʉ ani tua majiquẽcʉmi Dio.

Jicã rʉmʉ ati yepa macana nipetirã caroorije na cá-átaje cariape tʉjʉ maji cõoñari na popiyeyegʉmi Dio. Jicãʉre camajare cariape na cá-átajere cʉ̃ ca-tʉjʉ cõoñabojapaʉre cʉ̃ ca-cũuñupi Dio. Cʉna, cʉ̃ ca-cũricʉna camajare ca-tʉjʉ cõoñapaʉ anigʉmi ĩi cʉ̃re ca-bai yajiricʉpʉre cʉ̃ ca-catíoyupi Dio, ca-ĩiñupʉ Pablo, Jesúre ĩi.

To bairi cʉ̃ punaa mani ãa ĩirã, “Oco baii ãcʉmi ca-ajiyarije mena o ʉ̃ta mena weericʉre baii ucʉ̃ ãcʉmi,” ca-ĩi tʉgooñaquetipe ãa. Camaja caroaro ca-tʉgooñarã, “Cʉ̃ ucʉ̃ jã weegarã,” ca-ĩirã anibana quena cʉ̃ ucʉ̃re wee majiquẽnama.