Popular Bible Verses from LOS HECHOS 16

Share

To bairo na cʉ̃ ca-ĩi jeniñaro: —Mani Ʉpaʉ Jesúre cʉ̃ mʉ ca-apiʉjaata mʉ netoogʉmi. Mʉ ya wii macana to bairona cʉ̃ na ca-apiʉjaata na quenare na netoogʉmi Dio, cʉ̃ ca-ĩiñuparã preso wiire ca-coteire.

Ñami recomaca yua Pablo, Sila Diore jeni nʉcʉbʉgo, Diore ca-ĩi wariñuu bajanucuñuparã. To bairo na ca-ĩi bajaro aperã presopʉ ca-ãna na ca-apiyuparã. To bairo na ca-bairi paʉ yepa ca-nanaañupe. Nanaabato preso wii quena seeto ca-jagueyupe. Nemoo ti wii na ca-biabata joperi ca-caguecoajupe. To bairo baibato presopʉ ca-ãna nipetirã come wẽeri nare na ca-jiabata wẽeri ca-popi peticoajupe tie majuuna.

Cabero na jʉgo buti atí, na ca-jeniñañupʉ: —¿Dope bairo yʉ ácʉati caroorije yʉ cá-átaje wapa Diore ca-nʉcʉbʉgoquẽna ya paʉpʉ Dio yʉre cʉ̃ ca-jooquetiparore bairo ĩi?

To bairo ca-bairo bero preso wiire ca-cotei ca-yupiyupʉ. Yupi, joperi pãrique jeto ca-ano ca-tʉjʉyupʉ. To bairi, presopʉ ca-anibatana nipetirã ruticoatanama ĩri jarerica pãire nee, cʉ̃ majuuna ca-jĩagabajupʉ, ʉparãre na uwibacʉ. To bairo cʉ̃ cá-átigaro tʉjʉʉ Pablo cʉ̃ ca-ĩi awajayupʉ: —Átiqueticõaña. Atopʉ jã ani peticõa, cʉ̃ ca-ĩiñupʉ.