Popular Bible Verses from ܡܬܠ̈ܐ 20

Share

ܠܵܐ ܐܵܡܪܹܬ، ”ܒܸܬ ܦܵܪܥܹܢ ܒܝܼܫܬܵܐ،“ ܣܦܘܿܪ ܠܡܵܪܝܵܐ ܘܗ̇ܘ ܒܸܬ ܦܲܪܸܩ ܠܘܼܟ݂.

ܡ̣ܢ ܡܵܪܝܵܐ ܝܢܵܐ ܦܵܣܘܿܥܝܵܬܹ̈ܐ ܕܐ݇ܢܵܫܵܐ، ܘܒܲܪܢܵܫܵܐ ܕܵܐܟ݂ܝܼ ܦܲܪܡܹܐ ܐܘܼܪܚܹܗ؟

ܫܪܵܓ݂݇ܝܵܐ ܕܡܵܪܝܵܐ ܝܠܵܗ̇ ܐܸܢܝܲܬ ܕܒܲܪܢܵܫܵܐ، ܟܹܐ ܬܲܦ̮ܬܸܫܵܐ ܟܠܲܝܗܝ ܕܘܼܟܵܢܹ̈ܐ ܥܲܡܘܼܩܹ̈ܐ ܕܓܵܘܹܗ.

ܡ̈ܝܼܵܐ ܥܲܡܘܼܩܹ̈ܐ ܝܠܹܗ ܡܸܠܟܵܐ ܒܠܸܒܵܐ ܕܐ݇ܢܵܫܵܐ، ܐܲܚܟ̰ܝܼ ܐ݇ܢܵܫܵܐ ܦܲܪܡܝܼܵܢܵܐ ܟܹܐ ܓܵܪܹܫ ܠܹܗ.

ܟܹܐ ܓܵܠܹܐ ܐ݇ܪܵܙܵܐ ܗ̇ܘ ܕܚܵܕܹܪ ܒܸܕܪܵܝܵܐ ܒܘܼܚܬܵܢ، ܒܘܼܬ ܐܵܗܵܐ، ܥܲܡ ܦܵܬܚܵܢܵܐ ܕܣܸܦܘܵܬܹ̈ܗ ܠܵܐ ܚܵܒ݂ܛܹܬ.

ܐܝܼܩܵܪܵܐ ܝܠܵܗ̇ ܠܐ݇ܢܵܫܵܐ ܪܚܵܩܬܵܐ ܡ̣ܢ ܕܘܼܪܵܫܵܐ، ܐܝܼܢܵܐ ܟܠ ܣܲܟ݂ܠܵܐ ܟܹܐ ܡܲܩܪܸܨ.

ܟܹܐ ܚܵܕܹܪ ܒܬܲܡܝܼܡܘܼܬܹܗ ܙܲܕܝܼܩܵܐ، ܛܘܼܒ݂ܵܐ ܠܒܢܘܿܢܘܼ̈ܗܝ ܡ̣ܢ ܒܵܬ݇ܪ ܕܝܼܹܗ.