Popular Bible Verses from ܡܬܠ̈ܐ 21

Share

ܗ̇ܘ ܕܢܵܦܹܠ ܒܵܬ݇ܪ ܙܲܕܝܼܩܘܼܬܵܐ ܘܫܵܦܵܩܲܬ، ܒܸܬ ܡܲܫ݇ܟ̰ܸܚ ܚܲܝܹ̈ܐ، ܙܲܕܝܼܩܘܼܬܵܐ، ܘܐܝܼܩܵܪܵܐ.

ܚܘܼܫܵܒܹ̈ܐ ܕܚܲܦܛܵܢܵܐ ܐܲܚܟ̰ܝܼ ܠܝܘܼܬܪܵܢܵܐ ܝܢܵܐ، ܐܝܼܢܵܐ ܟܠ ܡܲܠܝܸܙܵܢܵܐ ܟܹܐ ܡܵܛܹܐ ܐܲܚܟ̰ܝܼ ܠܚܘܼܣܪܵܢܵܐ.

ܢܵܛܪܵܢܵܐ ܕܦܘܼܡܹܗ ܘܠܸܫܵܢܹܗ، ܟܹܐ ܢܵܛܹܪ ܡ̣ܢ ܐܘܼܠܨܵܢܹ̈ܐ ܓܵܢܹܗ.

ܟܠ ܐܘܼܪܚܵܐ ܕܐ݇ܢܵܫܵܐ ܬܪܘܼܨܬܵܐ ܝܠܵܗ̇ ܒܥܲܝܢܹ̈ܐ ܕܓܵܢܹܗ، ܐܝܼܢܵܐ ܬܵܩܠܵܢܵܐ ܕܠܸܒܵܘܵܬܹ̈ܐ ܡܵܪܝܵܐ ܝܠܹܗ.

ܣܘܼܣܹܐ ܗܘܼܕܪܵܐ ܝܠܹܗ ܠܝܵܘܡܵܐ ܕܦܠܵܫܵܐ، ܐܝܼܢܵܐ ܕܡܵܪܝܵܐ ܝܠܵܗ̇ ܙܵܟ݂ܘܼܬܵܐ.

ܠܸܥܒ݂ܵܕܵܐ ܙܲܕܝܼܩܘܼܬܵܐ ܘܗܵܩܘܼܬܵܐ ܓܘܼܒܝܼܬܵܐ ܝܠܵܗ̇ ܠܡܵܪܝܵܐ ܒܘܼܫ ܡ̣ܢ ܕܸܒ݂ܚܵܐ.

ܠܲܝܬ ܚܸܟ݂ܡܬܵܐ، ܘܠܲܝܬ ܦܲܪܡܵܝܬܵܐ، ܘܠܲܝܬ ܡܸܠܟܵܐ ܕܲܠܩܘܼܒ݂ܠ ܕܡܵܪܝܵܐ.

ܡ̇ܢ ܕܐܵܟ̰ܹܡ ܢܵܬܹܗ ܡ̣ܢ ܡܲܩܘܲܚܬܵܐ ܕܡܸܣܟܹܢܵܐ، ܐܘܼܦ ܗ̇ܘ ܒܸܬ ܩܵܪܹܐ ܘܠܹܐ ܦܵܐܹܫ ܓ̰ܘܼܘܸܒܵܐ.