Popular Bible Verses from ܡܦܩܢܐ 3

Share

ܐ݇ܡܝܼܪܹܗ ܐܲܠܵܗܵܐ ܠܡܘܼܫܹܐ، ”ܐܵܢܵܐ ܝܘܸܢ ܗ̇ܘ ܕܝܼܘܸܢ،“ ܘܐ݇ܡܝܼܪܹܗ، ”ܗܲܕܟ݂ܵܐ ܐܵܡܪܹܬ ܠܒܢܲܝ̈ ܝܼܣܪܵܝܹܠ، ’”ܐܵܢܵܐ ܝܘܸܢ“ ܫܘܼܕܸܪܹܗ ܐܸܠܝܼ ܠܟܸܣ ܠܵܘܟ݂ܘܿܢ.‘“

ܐ݇ܡܝܼܪܹܗ ܐܲܠܵܗܵܐ، ”ܐܵܢܵܐ ܒܸܬ ܗܵܘܹܝܢ ܥܲܡܘܼܟ݂؛ ܘܐܵܗܵܐ ܒܸܬ ܗܵܘܹܐ ܢܝܼܫܲܢܩܵܐ ܐܸܠܘܼܟ݂ ܕܐܵܢܵܐ ܫܘܼܕܪܘܼܟ݂ ܝܼܘܸܢ: ܐܝܼܡܲܢ ܕܦܲܠܛܸܬ ܠܥܲܡܵܐ ܡ̣ܢ ܡܸܨܪܹܝܢ، ܒܸܬ ܦܵܠܚܝܼܬܘܿܢ ܠܐܲܠܵܗܵܐ ܥܲܠ ܕܐܵܗܵܐ ܛܘܼܪܵܐ.“

ܐ݇ܡܝܼܪܹܗ ܐܸܠܹܗ ܐܲܠܵܗܵܐ، ”ܠܵܐ ܩܲܪܒܸܢܸܬ ܠܐܲܟ݂ܵܐ. ܫܲܠܸܚ ܨܵܘܠܘܼ̈ܟ݂ ܡ̣ܢ ܐܲܩܠܘܼ̈ܟ݂، ܣܵܒܵܒ ܕܘܼܟܵܐ ܕܟܸܠܝܵܐ ܝܘܸܬ ܥܲܠܘܼܗ̇ ܐܲܪܥܵܐ ܩܲܕܝܼܫܬܵܐ ܝܠܵܗ̇.“

ܘܐ݇ܡܝܼܪܹܗ ܡܵܪܝܵܐ، ”ܚܙܵܝܵܐ ܚܙܹܐ ܠܝܼ ܠܐܘܼܠܨܵܢܵܐ ܕܥܲܡܝܼ ܕܝܼܠܹܗ ܒܡܸܨܪܹܝܢ، ܘܫܡܝܼܥ ܠܝܼ ܡܲܩܘܲܚܬܲܝܗܝ ܡ̣ܢ ܡܲܦܠܸܚܵܢܲܝ̈ܗܝ ܕܫܘܼܚܪܵܐ؛ ܒܝܼܕܵܥܵܐ ܝܘܸܢ ܓ̰ܘܼܢܓ̰ܵܪ̈ܲܝܗܝ. ܘܨܸܠܝܵܐ ܝܘܸܢ ܕܦܲܨܸܝܢܗܘܿܢ ܡ̣ܢ ܐܝܼܕܵܐ ܕܡܸܨܪ̈ܵܝܹܐ، ܘܕܡܲܐܣܩܸܢܗܘܿܢ ܡ̣ܢ ܕܐܵܗܵܐ ܐܲܪܥܵܐ ܠܐܲܪܥܵܐ ܨܦܵܝܝܼ ܘܪܘܝܼܚܬܵܐ، ܠܐܲܪܥܵܐ ܡܲܓ̰ܪܝܼܵܢܬܵܐ ܕܚܲܠܒ݂ܵܐ ܘܕܸܒ݂ܫܵܐ، ܠܕܘܼܟܵܐ ܕܟܢܲܥܢܵܝܹ̈ܐ، ܘܚܹܝܬܵܝܹ̈ܐ، ܘܐܵܡܘܿܪ̈ܵܝܹܐ، ܘܦܲܪ̈ܙܵܝܹܐ، ܘܚܵܘܵܝܹ̈ܐ، ܘܝܵܒ݂ܘܿܣܵܝܹ̈ܐ.

ܦܝܼܫ ܠܹܗ ܚܸܙܝܵܐ ܐܸܠܹܗ ܡܲܠܲܐܟ݂ܵܐ ܕܡܵܪܝܵܐ ܡ̣ܢ ܓܵܘ ܠܵܗܵܐ ܕܢܘܼܪܵܐ ܒܹܐܣܵܩܵܐ ܡ̣ܢ ܚܲܕ ܣܲܢܝܵܐ؛ ܓܘܼܫܸܩ ܠܹܗ ܘܚܙܹܐ ܠܹܗ ܢܘܼܪܵܐ ܒܣܲܢܝܵܐ، ܐܝܼܢܵܐ ܣܲܢܝܵܐ ܠܵܐ ܒܸܩܝܵܕܵܐ.

ܬܵܐ ܐܵܕܝܼܵܐ، ܒܸܬ ܫܲܕܪܸܢܘܼܟ݂ ܠܟܸܣ ܦܸܪܥܘܿܢ ܕܦܲܠܛܸܬ ܠܥܲܡܝܼ ܒܢܲܝ̈ ܝܼܣܪܵܝܹܠ ܡ̣ܢ ܡܸܨܪܹܝܢ.“