Popular Bible Verses from ܡܦܩܢܐ 2

Share

ܘܫܡܝܼܥ ܠܹܗ ܐܲܠܵܗܵܐ ܬܵܢܲܚܬܲܝܗܝ، ܘܕܟ݂ܝܼܪܹܗ ܠܘܲܥܕܹܗ ܥܲܡ ܐܲܒ݂ܪܵܗܵܡ، ܥܲܡ ܐܝܼܣܚܵܩ، ܘܥܲܡ ܝܲܥܩܘܿܒ݂. ܘܓܘܼܫܸܩ ܠܹܗ ܐܲܠܵܗܵܐ ܠܒܢܲܝ̈ ܝܼܣܪܵܝܹܠ ܘܚܙܹܐ ܠܹܗ ܐܲܝܟܲܢܵܝܘܼܬܲܝܗܝ.

ܗܘܹܐ ܠܵܗ̇ ܡ̣ܢ ܒܵܬ݇ܪ ܪܵܒܵܐ ܝܵܘܡܵܢܹ̈ܐ، ܡܝܼܬ ܠܹܗ ܡܲܠܟܵܐ ܕܡܸܨܪܹܝܢ. ܘܬܘܼܢܸܚ ܠܗܘܿܢ ܒܢܲܝ̈ ܝܼܣܪܵܝܹܠ ܘܡܘܼܩܘܸܚ ܠܗܘܿܢ ܬܚܘܿܬ ܝܘܼܩܪܵܐ ܕܥܲܒ݂ܕܘܼܬܵܐ، ܘܐ݇ܣܝܼܩ ܠܵܗ̇ ܓܥܵܝܬܲܝܗܝ ܠܟܸܣ ܐܲܠܵܗܵܐ.

ܓܘܼܪܘܸܣ ܠܹܗ ܗ̇ܘ ܝܵܠܵܕ݇ܐ، ܘܡܘܼܐܬܹܐ ܠܵܗ̇ ܐܸܠܹܗ ܩܵܐ ܒܪܵܬܵܐ ܕܦܸܪܥܘܿܢ، ܘܗܘܹܐ ܠܹܗ ܐܸܠܘܼܗ̇ ܠܒܪܘܿܢܵܐ؛ ܘܩܪܹܐ ܠܵܗ̇ ܫܸܡܹܗ ܡܘܼܫܹܐ، ܣܵܒܵܒ ܐ݇ܡܝܼܪܵܗ̇، ”ܓܪܝܼܫ ܠܝܼ ܐܸܠܹܗ ܡ̣ܢ ܡ̈ܝܼܵܐ.“

ܐ݇ܡܝܼܪܵܗ̇ ܐܸܠܘܼܗ̇ ܒܪܵܬܵܐ ܕܦܸܪܥܘܿܢ، ”ܠܲܒܸܠܝ ܠܐܵܗܵܐ ܝܵܠܵܕ݇ܐ ܘܡܲܡܸܨ ܠܹܗ ܐܸܠܝܼ، ܘܐܵܢܵܐ ܒܸܬ ܦܵܪܥܵܢܵܟ݂ܝ.“ ܘܫܩܝܼܠ ܠܵܗ̇ ܗ̇ܝ ܒܲܟ݂ܬܵܐ ܠܝܵܠܵܕ݇ܐ ܘܡܘܼܡܸܨ ܠܵܗ̇ ܐܸܠܹܗ.

ܘܨܠܹܐ ܠܵܗ̇ ܒܪܵܬܵܐ ܕܦܸܪܥܘܿܢ ܠܸܣܚܵܝܵܐ ܓܵܘ ܢܲܗܪܵܐ، ܘܚܹܕܲܡܝܵܬܘܼ̈ܗ̇ ܒܸܚܕܵܪܵܐ ܝܗ݇ܘܵܘ ܥܲܠ ܡܲܪܙܵܐ ܕܢܲܗܪܵܐ. ܚܙܹܐ ܠܵܗ̇ ܠܣܵܠܵܐ ܓܵܘ ܙܹܠܹ̈ܐ، ܘܫܘܼܕܸܪܵܗ̇ ܠܚܹܕܲܡܬܘܼܗ̇ ܕܫܵܩܠܵܐ ܠܵܗ̇.

ܗܘܹܐ ܠܵܗ̇ ܒܐܵܢܝܼ ܝܵܘܡܵܢܹ̈ܐ، ܟܲܕ ܓܘܼܪܘܸܣ ܠܹܗ ܡܘܼܫܹܐ، ܦܠܝܼܛ ܠܹܗ ܠܟܸܣ ܐܲܚܘܿܢܘܵܬܹ̈ܗ، ܘܚܙܹܐ ܠܹܗ ܩܸܫܝܘܼܬܵܐ ܕܦܘܼܠܚܵܢܲܝܗܝ؛ ܘܚܙܹܐ ܠܹܗ ܐ݇ܢܵܫܵܐ ܡܸܨܪܵܝܵܐ ܒܸܡܚܵܝܵܐ ܠܚܲܕ ܐ݇ܢܵܫܵܐ ܥܸܒ݂ܪܵܝܵܐ ܡ̣ܢ ܐܲܚܘܿܢܘܵܬܹ̈ܗ. ܓܘܼܫܸܩ ܠܹܗ ܠܐܵܗܵܐ ܓܹܒܵܐ ܘܠܗ̇ܘ ܓܹܒܵܐ، ܘܟܲܕ ܠܵܐ ܚܙܹܐ ܠܹܗ ܐ݇ܢܵܫܵܐ ܐ݇ܚܹܪ݇ܢܵܐ ܬܵܡܵܐ، ܩܛܝܼܠ ܠܹܗ ܠܗ̇ܘ ܡܸܨܪܵܝܵܐ ܘܛܘܼܡܸܪܹܗ ܐܸܠܹܗ ܓܵܘ ܣܹܠܵܐ.