Popular Bible Verses from Mark 5

Share

Hag yn-medh ev dhedhi, ‘Myrgh, dha fydh re'th sawyas; ke yn kres, ha bydh yagh a'th plag.’

Hag unn venyn, neb re bia klav gans liv goes nans o dewdhek blydhen, hag a wodhavsa lies tra gans lies medhek, ha spena oll hy fyth, heb bos difresys kammenn, saw yn le henna gyllys gweth o hi

Hag a-dhesempis fenten hy goes a veu desyghys; ha hi a wodhva yn hy horf hy bos yaghhes a'n plag.

Hag ow kemmeres an flogh er an leuv, ev a leveris dhedhi, ‘Talitha kumi’, dhe styrya yw, ‘Moren, y lavarav dhis, sav!’

Hag ev hwath ow kewsel, y teuth yn-mes a ji rewler an synaga re a leveris ‘Dha vyrgh yw marow; prag yth ankombrydh an Mester pella?’ Mes Yesu, kettell glewas an ger o kewsys, a leveris dhe rewler an synaga, ‘Na borth own, unnweyth krys.’

Rag ev re bia ow leverel dhodho, ‘Deus yn-mes a'n den, ty spyrys avlan!’ Hag ev a wovynnas orto ‘Pyth yw dha hanow?’ Yn-medh ev dhodho, ‘Ow hanow yw Lyjyon, rag lies on ni.’