Popular Bible Verses from Mark 4

Share

Hag ev a sevis, ha keredhi an gwyns, hag a leveris dhe'n mor ‘Taw, spavennha!’ Ha'n gwyns a hedhis, hag yth esa kalmynsi meur. Hag ev a leveris dhedha, ‘Prag yth owgh hwi mar ownek? Fatell yw nag eus dhywgh fydh?’

Mes own bras a's teva, hag yn-medhons an eyl dh'y gila, ‘Pyw ytho yw hemma, mayth yw gostyth dhodho keffrys an gwyns ha'n mor?’

Hag yth esa ev yn delergh an gorhel, ow koska war bluvek. Hag i a wrug dhodho difuna, ha leverel dhodho, ‘Mester, a ny'th teur mann, ha ni ow mos dhe goll?’

Hag yn-medh ev dhedha, ‘Bedhewgh war a'n pyth a glewowgh. Gans an musur a vusurowgh, y fydh musurys dhywgh hwi: ha dhywgh hwi neb a woslow, moy a vydh res.

Hag ev a leveris, ‘Yndella yth yw gwlaskor Duw: kepar ha pan ve den ow tewlel has y'n dor, ha koska, ha sevel nos ha dydh, ha'n has a wra egina ha tevi, ny woer ev fatell y'n gwra.

Den mara'n jeves diwskovarn rag klewes, ev klewes.’