Popular Bible Verses from Mark 6

Share

Hag yn-medh ev dhedha, ‘Dewgh hwi agas honan yn priva bys yn tyller difeyth ha powes pols.’ Rag yth esa lies ow tos hag ow mos, hag i ny's tevo spas rag dybri.

Hag yn-medh Yesu dhedha, ‘Nyns yw profoes heb enor, saw yn y vro y honan, hag yn mysk y gerens y honan, hag yn y ji y honan.’

Ha pan dheuth yn-mes, ev a welas routh veur, ha truedh a'n jeva anedha, rag yth ens avel deves heb bugel; hag ev a dhallathas dyski dhedha lies tra.

Ha ny ylli gul ena ober galloesek vytholl, marnas ev a worras y dhiwla war nebes klevyon ha'ga sawya. Ha marth o ganso drefenn aga diskryjyans. Hag yth esa ow mos a-dro y'n trevow, ow tyski.

Ha wosa ev dhe gemmeres an pymp torth ha'n dhew bysk, ev a viras yn-bann dhe nev, ha benniga, ha terri an torthow, ha'ga ri dh'y dhyskyblon dhe worra a-ragdha, ha'n dhew bysk ev a's rannas yntredha oll. Hag i a dhybris yn kettep penn, ha lenwys vons. Hag i a gemmeras yn-bann dewdhek kanstellas leun a'n brewyon hag a'n puskes.