Popular Bible Verses from Yoshua 6

Share

An ARLOEDH a leveris dhe Yoshua, ‘Mir, my re ros y'th leuv Yeriko, ha'y myghtern ha'n wer alloesek.

Pan hwythons gans kern an hordhes, kettell glewowgh son an hirgorn, garmes oll lu gans garm vras; ena fos an sita a goedh yn hy le, ha gas oll lu dhe vos yn-bann, pub gour ow kerdhes a-ji yn tidro.’

Hwi a geskerdh a-dro dhe'n sita, oll an vreselyoryon ow mos a-dro dhe'n sita unnweyth. Yndella ty a wra hwegh dydh

gans seyth oferyas ow toen seyth hirgorn a gern hordhes a-dherag an argh. Ha'n seythves dydh hwi a geskerdh a-dro dhe'n sita seythgweyth, ha'n oferysi ow hwytha an hirgern.

Yetys Yeriko a veu prennys fast drefenn mebyon Ysrael; nyns esa mos yn-mes na dos a-ji.

An seythves gweyth, pan hwythas an oferysi an hirgern, Yoshua a leveris dhe'n lu, ‘Germewgh! Rag an ARLOEDH re ros dhywgh an sita.

An sita hag oll eus ynni a vydh sakrys dhe'n ARLOEDH rag distruyans. Mes Rahab an hora hag oll eus gensi yn hy chi a vew, rag hi a gudhas an kannasow a dhannvensyn.