Popular Bible Verses from KOLOSIANG 3

Share

akonc akoncm mentummvnsula du:namc odokkc, akonkc jodi akonkc birudi:pc lugcko du:yc, akoncm akonc mc:yinsula; kapc Ru:tumbv nolum mc:yinsutoji, cdcmpc nolusin mc:yinru:supa:yc.

Noluk asinkvdv:dcm tayc:tok attarkvdv:do mcnga:toka, mo:pvso du:nc attarkvdv:do:mang.

Okodci noluk gerpcnam agercji, asinki mcnga:la gerlangka, Ru:tumkc agercm gerdung cmna tani:kvdv:dcmma:pc

Cdcmpcmvlo gctoka, Ru:ncpvnckc balennam akoncmpc, angunncpc odokkc aipc mc:nampc, aya:sitapc mc:ncpc, ayangabopc mc:ncpc, ansv:nc asin gcnamc, rcmakpc asin gcnamc, odokkc mentumsula du:namc

Odokkc aipai bisuncpc itoka. Kristokc agomdc nolukkolo mitcmircmpc dungka:langka, akoncm akonc poyirra odokkc lusv:la, appvng taycngamong kinnamki, odokkc ni:tomcmna: kumnam ni:tomcm odokkc yalosok ni:tomkvdvngc Ru:ncpvnckolo:pc noluk asinkvdv:do aipai bipc bila. Odokkc oko okodcmci nolu idonc, agomki cdcmanggom agerlo, appvngcm Ru:tum Jisukc aminno ilangka, Ru:ncpvnckc Abudcm Bvkkokki aipai bila.

Odokkc odo appv:dokkcmyam aipc mc:namcm gctoka, okodc appvngcm lckopc aropakpc ogpumsudagji.

Cdcmpcmvlo nolum Kristokc turkolo turmotoku, taycng amo:to du:nc attarkvdv:dcm matoka, okolo Kristobv, Ru:ncpvnckc lagbvg alagpc du:ji.

Odokkc Kristokc mcngandc noluk asinkvdv:dcm ka:sv:bommotoka, okodo:pc nolum aropakpc gogtoji amvrakkongkolo:pc.

Cdcmpidag nolukkolo okodc mo:pvsokkcji moketoka: aminc:ngcm la:binammc, napvnarc:ma:namc ilvnggvlvngc, aima:nc ager gerrvngc, odokkc ka:bonammc, okodc uikumnamcji.

Kapila:nc nolu sikang odokkc, odokkc noluk Ru:ncpvnckolo Kristokokki lc:sula lc:tung.

Cmpige:la su:pak cdc appv:dcm yoppagamtoka: aglvng sa:namc, dungko-ycko kama:pc aglv:nammc, mc:nyi:mvnsunammc, lume:pc ammem lugc gcnam, odokkc ya:nc agom noluk nappangkvdv:dokki lunamc.

Akonc akoncm lume:ycm luka:mvnsuyok, nolujc aku scu-sobabdcm gctobong. Okodcm kinnamlo anumotakji odok ru:ncdok dumsimigmo ila.

Milbongkvdv:dc, noluk nc:ngkvdv:dcm aipc mc:langka, odokkc bulukkokki lukerluyeryok.

Kowawkvdvnga, noluk ancabukvdv:dok agom lukamdcmpc appvngagomlo tadlangka, kapcnc cdc Ru:tummc mc:lvgsumodag.

Nc:ngkvdvnga, noluk milbongkvdv:dok agomcm tadlangka, kapc cdc Ru:tumkolo aidagji.