Popular Bible Verses from MATTHAI 5

Share

Min thaumei hâl in, law nuai ah a koi ngai puau in, a tunna’n a tung zaw sek ui; tichun, In sung ah mi zosia a salvâk sek hi. Zia gual ma chun, la vâk uh chu mite mit mu in vâk ta hen; tichun, la thil hi’phatteu chu mu’n, van ah la pau chu chawihoi thei in au.

Khawvel vâk la hiu. Tâng chung ah khua um chu sêlgûk thei ahi puai.

Lunggil ah thiangthote chu mi hampha a hiu; Pathian mu ding ahi ngal un.

Dikna ngai ah gilkial leh dangchâkte chu mi hampha a hiu; Tai leh niansak ah um ding ahi ngal un.

Kei vang in ka hil la hiu, La mêlmateu hepiu inla, a sugentheite chu pauchap piak un

Thagau ah tasam ahi lam kihete chu mi hampha a hiu, van-gam chu amau â ahi ngal a.

Chamna siamte chu mi hampha a hiu; Pathian cha ah sak in um ding ahi ngal un.

Lusûnte chu mi hampha a hiu; Pathian in thamuan ding ahi ngal a.

Dikna ziak ah sukgentheina thuakte chu mi hampha a hiu; van-gam lua ding ahi ngal un.

Mi jangai theite chu mi hampha a hiu; khawtua’na mu ding ahi ngal un.

Keima ziak ah min a hun hosiat ua, a hun sukgenthei ua, juau ah thu phalo zosia a hun hêk phat ua leh mi hampha la hiu. Lim unla, kipak tak in um un; van ah la kipakman ding uh chu a lopi ngal in; zia gual ma chun la mau ah jawlneite kha le a sukgenthei uh ahi kha.

Mi zaidamte chu mi hampha a hiu; Lei go hi lua ding ahi ngal un.

Lei chi la hiu; himaleh, chi hi dau taleh bang in ahi al kit thei diam? Zia chu paimang ah, mite chotden ding bep lo ngal in panna a nei ta puai.

Tichun, la Pau van ah um a phat bukim gual in nang uh le pha bukim in um un.

La thugen chu ahileh ahi himai hen la, ahiloleh ahilo hiziang hen; zia khêlvâl chu gitlo ah kipan ahi sek hi.

Mit sik ah mit, ha sik ah ha, kiti sek la he tau hi. Himaleh, kei vang in ka hil la hiu, migilo thuk kiu in; la biang changlam bêng tapo chu a langkhat le daw zaw’n la.

La mit changlam in a hun hi’puk ahileh, kheldok inla, pai mang ziang in; taksa bukim ah gawtmun ah chia sâng in, taksa bâk pakhat manthai chu nang â dingin a pha zawi. La khut changlam in a hun hi’puk chun, tan tha’n la, pai ziang in; taksa bukim ah gawtmun ah chia sâng in, taksa bâk pakhat bei chu nang â dingin a pha zawi.