Popular Bible Verses from MATTHAI 6

Share

Himaleh, a gam leh a dikna chu hawl masa tau in; tichun, zia thil zosia chule piak belap in um in lau.

Ziaziakchun, jing â ding chu lungkham kiu in; jing chun ama â ding kilungkham kawm ding ahi ngal in. Ni khat â ding ah ni khat lungkham a hun hi.

Ziaziakchun, ka hil la hiu, bang ka ne’n bang ka dawn dia aw, ti’n la hinna thuu leh, bang ka sil in bang ka chêng ta dia aw, ti’n la taksa thuu ah lungkham kiu in. Nêk ding sâng ah hinna lopi zaw hilo a hem? Sil leh chên sâng in taksa a lopi zaw hilo a hem?

Nang vang la pauchap ding phat leh, la pindan sunggil ah lut inla, la kot khak inla, la pa kuama mu’lo ah a la um zing kiang ah chun pauchap in: tichun, la pa la thil bawlte a gûk ah a la musekpa chun hun dit in a.

Zia hi la pauchap dan ding uh chu ahi: “Ka Pau van ah um, la min ja in um hen la, la gam hung tung hen. La dawi gual van ah mi’n a hi’gual un, lei ah mi’n le hiu hen.

Nisi’n ka nekkhop uh an ei pia’n.

Ka chung ua thil hi’khialte ka ngaidam sek gual un, nang inle ka thil hi’khialteu ei ngaidam in.

Gilo ding ah thepna hun in ei puilût kin la, gilo lak in ei hukdok zaw’n: Gamte, thil hi’theinate, lopinate, kumtuang in nang â ahi, Amen,” ti in.

La chung ua thil hi’khialte la ngaidam ua leh, van ah la Pau chunle nang uh hi’khial hun ngaidam ding ahi.

Chunglêng vachate hi en un; bu a tu puau in, a ât diak puau in, bubûk ah a sung lut diak puau hi; himaleh, la pau van ah um chun a vâk ngal a. Nang uh chu amau sâng in gam cheng in, la lûl zawu hilo a hem?

Lei ah nget leh tuiêk in a neksiatna, guchate’n a sukvan ua a gûk theinau ah hin la go uh khol kiu in. Van ah nget leh tuiêk in a nêksiat theilona, guchate’n a sukvan ua, a gûk theilonau ah chun la go uh khol zaw tau in. La go umna taphot un, la lungthim uh le um ding ahi ngal a.

Kuama’n hotu pani na a sêmkop thei puai; pakhat muda in pakhat ngaina’n, pakhat â di’n gunchu intin, pakhat simmaw in a. Pathian leh sum na sêmkop thei pua’n lau.

Hampa tu’ni hing ngal, jing ah thukkhûk ah se’lut ziang ding mai bawn, Pathian in chuti lawm ah a jem chun, aw nang uh ginna tawmte haw, nang uh chu sil leh chên pia zaw ma ma lo ding a hem!

Nang la hileh tasam kiang ah thil khat la piak in, la khut changlam in a hi’chu la veilam in he ki’hen, la thil piak chu a gûk ah a umtheina dingin; chutichun, la pa la thilhi’te a gûk ah a la musekpa chun hun dit in a.

La thilpha hi’teu mihing mit mu ah kilang ding bep hilo dingin chingthei un; chutilochun, la Pau van ah um kiang ah chun kipakman ding nei pua’n lau.

An la ngawl tak ua leh le mi phalêmte gual in ngui mêl pu kiu in; amau chun mi mit mu ah anngawl a hiu kilat theina dingin, a mêl uh a hinâng chiat chuat sek ui. Titakzet in ka hil la hiu, a kipakman uh chu a mu zo tau hi. Nang un vang an la ngawl phat ua leh kijutzol unla, la mai uh phiat thiang un. Chutileh, la Pau a gûk ah um mit mu ah longal chun mihing mit mu in anngawl in kilang pua’n la tiu in, tichun, la thilbawlte a gûk ah a la mupa chun hun din in a.