Popular Bible Verses from Psonm 18

Share

SENYER i mon Ros protekter, mon fortres e mon liberater. I mon Bondye, mon Ros protekter, kot mon an sekirite. I mon korn ki delivre mwan; i mon soutyen.

Bondye i en gid parfe. Bann promes SENYER i vre; i en proteksyon pour tou sa bann ki vin pran refiz kot li.

Mon apel SENYER, mon loue li. I delivre mwan kont mon bann lennmi.

Dan mon detres, mon ti apel SENYER; mon ti kriy ver mon Bondye pour son led. Depi son tanp, i ti antann mon lavwa, e i ti antann mon lapel.

SENYER! Mon Bondye! Ou ki alim mon lalanp. Ou menm mon lalimyer kan mon dan fernwanr.

Bondye ki ranpli mwan avek lafors e i met mwan lo bon semen.

SENYER i vivan! Mon rann glwar mon Ros protekter. Mon egzalte Bondye mon Sover.