Popular Bible Verses from PONGAOPEIYU 13

Share

Sübüyu hainanou ratsü pfüloure kuwe. Maitalinou tsüvei-a bulouzü puhye panou khaosou sünavei chahpeisü choloukhaio, daiolouzü süsü emai alivei chahpei baie. Puhvei chahpeisü 666 süe.

Alia southeawuyu Zhaotu sünavei ahri larübvü hi deiphao soushomo jühinou puletao zhih rüthou moyu deiphao hinou hrüa buyu maikhemai hrülai nou khaosou sünaye tholai.

Khaosou sünanou maikhemai taidu, hani-haha, qila ea dosouyu maitao hrülai vahi süolouzü puletao vei bah zhoulo moa puletao puhi shee ali nutsüloua soupeie. Sükua maitalinou khaosou sünavei shee süolouzü khaosou sünavei zhih moa zhih süna süh soua tayu chahpei süna bumo louzü puhsü, halia hrüa hrüloushie moa zhoa zholoushie.

Maitaliye niloure bue toulouzü veimosoua puhye niloulai; maitaliye khochenou daotheare bue toulouzü veimosoua khochenou daothealai. Haihisü sheeyu maitao vei shameayu ea lü bue.”

Alia Enou khaosouli kai kiruo ea pei anai pfüa zai hinou tapayu ngaoe. Kai sütao alili vahisü veo peirü chekhei bue, alia pei sütao alili vahisü Ramai chi paoshiyu zhih chekhei pfüe.

Puh hisü sheeyumaitao pei hi reih züloua puletaoye koloure aetou peire. Alia puh hisü khü hrülai, tahrüh, la ea maitya hrülai pei hi paopu soure zü nasü peire.

Alia khaosou araina nghojünou souloure puh hi aetou peikhai touyu khupavah sütao vanou puhnou deiphao hi hrüa buyu maikhemai hrülaiye sü lawure. Puhnou deiphao maikhe maitao hi khochenou zhupeikhai-a hria buyu khaosou sünaye tsükhouyu pongaore sünavei zhu kuyu bashara ali daokhaio tea chikha peie. Alia khaosou sünavei zhu kuyu bashara sünaye panou chi paoloure ea sünaye thobayu maikhemai hrülaiye panou southeare donou puh hisü khaosou arainavei zhu kuyu bashara sünahi ssü houngthou peire khouko peire.

Enou ngaoyu khaosou nasü shirakhaoye raiwe, ana puh phisü vuhphi kue ea müsü souveo mü kue. Alia puh hisü zai nghoudu nanou puhvei khouko, puhvei vebuh ea paopu souloure dushoyu khoukosü peire.

Alia khaosou süna hisü khaophu souyu ea Ramaiye paoshiyu chi paore aetou peire, alia puh hisü khou raidai-a hai paopu soua hrüre zü nasü peire.

Puh peitao hronou alihai zhushi shoyu kua ngaoe, ana zhee nasü veiloure, alia deiphao teitei nou khupaloua khaosou süna thaisü fütare.

Süthaisü kukhe khaosou ali deiphao hinou tapayu Enou ngaoe. Puhvei zhaotu kai kuyu kai ahai bue ea puhnou zai nghou duna büa chi paowe. Alia puhnou khaosou arainavei khouko teiteisü khaosou süna nghojünou poa vah soue, alia puhnou deiphao ea sühinou hrüa buyu maikhemai hrülaiye nou zhushi showu-a veilouyu khaosou arai naye panou tholoue.