Popular Bible Verses from PONGAOPEIYU 14

Share

Süthaisü raki vanou pai alinou haibüa paoyu Enou choue; “Haisü rükhaio: chu shonou Mapaowo vei kuvah souyu hinou thaiyu maisü rakoveie!” Rakonou chila peie, “Ovai achechenou! Puletao nou puletao vei te-a vah souyu hinou soloulai, daiolouzü puletao vahnou puletao thaifüwe!”

Haihisü Ramai chikha züa buyu ea Jisu hinou cheche-a buyu sheeyu maitaoye donou shamea loure ku-a bue.

Puhnou haibüa pai kushoa paoe, “Ramaiye piloukhaio ea puhvei adushosü paoshokhaio! Daiolouzü puhvei chikulaiyu phasü veloure. Raki, deiphao, zai alia dzünghoutao soupeiyu puhye sü tholo.”

Alia kukhe rakivamai asü chenanou araina hai thaifüa haibüa paikushoa paoe, “Maitalinou khaosou sünaye ea puh zhu raiyu bashara naye tholouzü, alia sünavei paoshee nasü puhi moa puh bah hi nokhaiwu louzü, puh-a Ramai nou puhvei rouyu pai nahi dzü chokhaimoa lathoukhai touyu puhvei rarouyu zhaoh nasü sholai! Sübüa souyu puletao hrülaiye sü mashee rakivamai ea Zhaotu süna nghojünou mei ea meichuh hinou souvea peilai. Puletaoye souveayu mei sünavei meikhao nasü teisanou khaopa-a bue. Khaosou süna ea puhvei zhuraiyu bashara naye thoyu, alia sünavei zhihvei shee ngaolouyu maitalisü khei-hea soyu ngaolai moe.”

Süthaisü Enou zhue, alia zhukhaio, Zion deichi hinou Zhaotu sünasü la-a bue; alia puhye koa puhzhih ea puh puo zhih puletao puhi rüthou khaitouyu maikhemai 144,000 sü bue.

Süthaisü kukhe rakivamai alinou deiphao hi hrüa buyu maikhe maitao, süolouzü maitya, khü, la ea tahrüh hrülaihi paongao peire donou teisa vei ko avei nasü poa ratei tsüle hinou kushoa zhao-a buyu sü Enou ngaoe.

Kukhe rakivamai ahai chenanou araina thaisü füa haibüa paoe, “Puhsü kaotare! Dushoyu Babilon sü kaotare! Puhnou tahrüh khemai hrülaiye puhvei khulou souyu vei souvoyu zhaoh nasü panou sholoure!”