Popular Bible Verses from PONGAOPEIYU 12

Share

Alia Eletao thaihou jürai maitao nou zhaotu sünavei zhe ea puletao zhopaohvei chipao süna vanou puhye sü koloure, daiolouzü puletao nou thai koute puletao vei hrümaisü pakhaimoe.

Süthaisü rakivanou chih shoyu pailinou haibüa paoyu sü Enou choue, “Chuwo Eletao Ramai vei khailu peiyu, khouko, vedei ea puhvei Khrista khoukosü vere! Daiolouzü Eletao Ramai nghojünou la-a Eletao thaihou jürai maitaoye khei-hea mah dukhaipei-a buyu puhye sü raki hinou hukoure.

Alia deiphao teiteiye layu Rashina moa Saitan tea kuyu, nghou tsüna, dushoyu zai nghoudu sünaye sü polai koure. Puhye sü puh vahmaitao hrülaiye koa deiphao hi polai koure.

Südonou Oh raki ea sühinou hrüa buyu neletao lesalo! Ana deiphao ea zaiye donou daizhozhou ngaopisa daiolouzü rashinanou puh teilehai phajütou baire touyu sü sülouyu vanou raroushopoa nehaihi koure!”

Süthaisü raki hisü reih paloure. Maikhel ea puhvei rakivamai taonou zai nghouduna pei hisü reih züe, zai nghouduna-a puhvei vahmaitaoye koa reih züe

Sühinou zai nghoudu nanou naotupai süna pei hisü rarouloua, puh tao-nahmaitao, Ramai chikha züyumai hrülai ea Jisu nou pongao peiyu achechena hinou cheche-a buyu maitao pei hi reih züre donou tare.

Süthaisü rakiva hi nou khupa shoyu sheeli ngaoe. Süolouzü sühisü naotumai alisü teinghi nou bahnoua ea khousü puh phinou taipfüa bue, alia puh peiva hisü teivuh kiahai vei veo peirü ali bue. Puhsü nah hrüloua nazhi laire, alia nah nalaiyu vanou khya soua krasho loure.

Sükisü naotupai sünanou nah Poutumai ali naloure. Nah Poutu sünasü tahrüh hrülaiye hu südanou potukha-a sahrülaiyu pue. Ana nah sünaye saoposhu Ramai hi ea puhvei vebuh hi pokhe khaire. Alia naotu süpaisü rekouhi tuhore, alia puhye donou Ramai nou soudakhai touyu buh sühinou bua puhye panou teithe 1,260 kiko peire donou sühinou buloure.

Süthaia kukhe khupa shoyu sheeli rakivanou ngaokhaie. Alia zhukhaio, sühisü pei anai ea kai kiruo pfüyu, alia pei sütao vahi veo peirü chekhei rüpfüa buyu dushoyu ea horoyu zainghou duli bue. Puh meenou rateihi buyu teivuh zha asü hinou zhaliye pailoua sütaoye deiphao hi polai koure. Alia zai nghoudu sünanou nah sünaye nakoukou touloure donou nah nalaiyu naotupai süna nghojünou da-a buloure.

Ana naotupai sünaye panou puhye donou soudakhai touyu buh, rekouhi zhaoholoua sühinou puhye sü zai nghoudu sünanou souveayu hinou khaipaloua po asü-a pohli kipeia buloure donou puh hisü dushoyu lühche sünavei shouh ahai peire, Alia sükisü zai nghoudu sünanou naotupai sünaye sü dzüduye panou dupoa tare donou naotupai süna thailo vahisü reidzüdu kuyu dzünou puh mü hinou füpa shopeie. Ana dei sünanou naotupai sünaye soukha peia puh müsü hapaloua, zai nghoudu sünanou puhmü hinou füpa khaitouyu reidzü sünasü kai-a jaoloure.