Popular Bible Verses from PONGAOPEIYU 11

Share

Süthaisü rakivamai anai chenanou puh besü houng-e alia sühisü rakivanou pai kushoyu alaosou pai paloua haibüa paoe, “Deiphao vedei hai Eletao Mapao ea puhvei Khrista vedei souloure, alia puhnou teisa nou veo soua bulai!”

Tahrüh kukhe maitao nou lekha rarou loure, daiolouzü nevei rarouyu phasü veloure; alia thaimaiye chiku laiyu teilesü vere. Ne kilaitao, rachi paolamaitao ea sheeyu maitaoye alia nezhihye tsükhouyu tai du hrülaiye buu peilaiyu teilesü veloure, Alia deiphaoye souhayu maitaoye souhare teilesü veloure!”

Enou lousahnou bahnouyu Avei zhopaohmai ahaiye seivelai, alia puhai nou teithe 1,260 phasü Ramai chipao paodoulai.”

Ana teithe asü-a pohli thaisü Ramai hinou ahri ssü nasü puhaihi ve louloua puhaisü lashu loure; alia puhaiye ngaolouyu maikhemai hrülaisü ngaopiso loure.

Puhai nou rachi paola payu phaki hi tei panou rüwu more donou rateiye nuloure puhaivei khouko bue, alia puhai nou züpasasü dzütaoye panou zhe dalouyu ea veahoyu taliye panou deiphaoye souvealou süyu puhaivei khouko bue.

Zhopaohmai sühaisü deiphao Mapaowo nghojünou la-a buyu Oliv be ahai ea meibvü dzükhaiyu buh ahai nasüe. Alia maitalinou puhaiye souhare te-a bulouzü, puhai mü hinou mei paloua puhaivei ngaoba maiye souhawu baiwe, alia sübüa puhaiye souha nüyu maitalisü thai vuzülai.