Popular Bible Verses from ISAIAH 42

Share

“MAPAO, Enou neye acheche hinou kupa dopa loure, Enou neye sü süthaisa-a tapeilai. Ne vanou Enou mai hrülaiye sü koa vo ali soupeilai, alia tyahrü teitei hi Enou ava sü seive peilai. Nghichayu maiye sü nenou souvei peilai, hukhaki hi buyu maiye sü nenou popa peilai.

“E likhei nevei Ramai MAPAO sü baie, Avei kathe sü ra kukhe liye zhipei lai moe; Eye koa nou bashara taoye paosho laimoe.

MAPAO nou paoe, “Enou jüpa-a dolouyu avei kilai nasü hainare, Enou puhye sü soukhou peikhai toue, ae avei rako sü puh hi thoupei khaitoue. Puhnou tyahrü hrülai hi kaozü nasü soupeilai.

Khi-a buyu doube ali koute-a puhnou soucha laimoe, ae ngheinonoa buyu meivabvü ali koute-a puhnou sounghei laimoe. Kaozü nasü puhnou acheche hinou soupeilai. Puhnou deiphao hi kaozü nasü souche loumo koute, puh hi areih sü halai moe, moyuma chathai talai moe. Kadou sho-a buyu teidei khenou puh vu zhisho-a nou bure.”

“Nghicha-a buyu avei maitaoye sü puletao nou sümoyu ludu hinou Enou süthaisa-a tapeilai, puletao nghoujü hinou zhitei-a buyu nasü Enou ava hi soudapa peilai, thou-tao soua buyu dei khesü Enou souchi peilai. Haitao hai Enou soupeilai, ae Enou neletaoye sü thaokhaiwu laimoe.

Raichoki Enou vepalai tea paoyu khesü cheche-a vepare. Chuo Enou ne hi ashu nakhesü vepamo jünou rai-a ne hi paopeiwe.”