Popular Bible Verses from ISAIAH 41

Share

Ngaopiso, daiolouzü Enou neletaoye sü salai peilai, hataralia panou neletaoye soupiso, daiolouzü Esü neletao vei Ramai-e. Enou neletaoye soukhou peilai, ae soukha peilai, Enou neletaoye vupeilai alia khailupa peilai.

E hai neletao vei Ramai MAPAO nasüe, ‘Ngaopiso, Enou neletaoye soukha peilai.’ ”

“Ne pei soureih souyu mai hrülai sü hraoyu ngao-a bailai, neye ngaoba-a hraiyu mai sü hakata-a bailai.

Enou neye sü deiphao kainghou hinou poloue, ae kadou shoyu teidei hinou kuloue, alia ne hi Enou paoe, ‘Ne hai avei kilai-e.’ Enou neye sü malai moe, ana neye doloue.

Neye ngaoba-a hraiyu maiye sü phoutalai, ana nenou puletaoye ngaoloulai moe. Ne pei hi soureih souyu maitao sü hazhotu lia moa nou hakata-a bailai.

MAPAO nou paoe, “Shikhaotu büa lülohoa buyu Israel maitao, ngaopiso, Enou neletaoye soukha peilai. E hai neletaoye khailupa apeio, Israel maivei Sheeyu Ramai nasüe.

“Ana akilai maitao, Israel neye sü Enou dopa louyu maitao-e, ae asawo Abraham vei tyaosholea maitaoe.

Enou kushoyu deichi vanou reidzü sü kükou peilai, ae deikho toutsü hinou pa dzüla palai; Enou vaohro hisü nou dzübvü hepeilai, alia radeiki hinou pa dzühou küpa peilai.

“Touha-soha laimai ae veahoyu mainou touso hayu phaki, ae houzüyu donou puletao vei mülee thekeikei-a buyu phaki, MAPAO, Enou puletao vei veachi sü keipeilai; Israel maivei Ramai Enou puletaoye sü thaowu laimoe.

Thaonou haibüa vepayu khesü soupeie? Emai hrü arai nou chukoute haibüa hrükou louyu sü thao vanoue? MAPAO, Esü araikha hinou bue, alia akhai hi-a Enou bulai.

Enou hiphao hisü panou vaosüü, haosüü, chesüü ae oliv süü khesü hrülai, alia radeiki sü panou vaobvü data-a haosü ae süübe aveih tyatyali panou paopalai. Hai khesü Israel maivei sheeyu MAPAO, Enou soupeie touyu sü maikhe mainou ngaoloulai alia süloulai.”