Popular Bible Verses from ISAIAH 43

Share

Enou ha ashu khesü souta laire, zhulo. Sükhesü vepa-a bure, chuo neletao nou ngaolaire, zhukhaio. Enou hiphao vaohro hisü ludu soupeilai, ae radeiki hisü pa reidzü küa bulai.

Neletao nou reidzü kacho phaki, Enou neletaoye salai peilai; ae veahoyu ve daoyu phaki, sükheye panou neletao jünou veilou ngalou laimoe. Neletao nou mei tachoyu phaki, meiye sü panou neletaoye dei laimoe; ae neletao vei hrümai hi tatei shoyu vedao-a buyuma sükheye panou neletaoye soushiwulai moe.

Ana MAPAO nou paoe, “Daoh raichoki vah haso khesü ngaiwo, alia raichoki vepayu khesü lichopu khaiso.

Oh Israel maitaore, neletaoye sou-apeio MAPAO nou habüa paoe, “Ngaopiso, daiolouzü Enou neletaoye sü khailupa peilai. Neletaoye sü Enou zhih sa-a kupa khaitoue, neletao hai avei maie.

Neletao hai avei nghingao hinou muh teishoe ae Enou neletaoye leshi-e alia tsükhou peie. Südonou deiphao hi hrüyu tyahrü hrülai nou pothou neletao vei hrirai lealoue.

Daiolouzü E hai neletao vei Ramai MAPAO nasüe, neletaoye khailu-apeio, Israel maivei Amasheeo Ramaie. Enou Ejipt maiye poa rapha souwua neletaoye panou lamado soupeie, Sudan ae Seba maiye poa neletaoye lealoue.

Ngaopiso, daiolouzü Enou neletaoye koa bupeilai! “Enou neletao vei tyaosholea khesü teinghi palova nou save peilai, ae teinghi loulova nou kuve jüpeilai.

Sübüa buyuma, Esü neletao vei mahmo khailu-apeio Ramai nasüe, ae Enou neletao vei mahmo khesü lichopu peilai moe.

MAPAO nou paoe, “Israel maitaore, neletao hai avei shaki soure maitao-e; E hai MAPAO-e touyu neletao nou süloua Eye loucheloua tsü süku loure donou Enou dokupa louyu avei kilai maitao-e. Ajünou rai-a ramai kukhe ali-a ha-e; haithai-a ramai kukhe ali-a bulai moe.

“E likhei MAPAO sü baie, E baimoa neletaoye khailu peire kukhe mai ali-a ha-e.

E sü Ramai-e ae teisa nou süna soulai. Mai ali koute-a abah hinou tupa louhoe; Enou souyu vah haso khesü mai linoua soudalai louhoe.”

Enou dokupa louyu avei maitaoye panou dzü kere donou hiphao laophao hisü reidzü kü peiyu donou rekhaona, lakhao, ae raohou khenou Eye tsükhoulai. Puletao hai avei mai soure donou soupeie ae puletao nou Eye lou sousholai!”

Enou teibekou hisü, ‘Puletaoye phapeio’ tea paopeilai, ae teizükou hi ‘Puletaoye nükhaiso, phapeio’ tea paopeilai. Adou kounou hrüa buyu avei maitao ae deiphao akhai hinou buyu khesü panou ki hi dakhai veloulai. Puletao hai avei maitao-e, Enou puletaoye sü panou avei kathe ae vei-sodu soure donou soupei khaitoue.”

Daoh vuli MAPAO nou zai hinou ludu ali soupeie, dzü alao buyu hinou ludu ali vapeie. Puhnou rheilukitao, rheitao dushoyu soureih mai me, ae reih souveih shoyu maitaoye sü save soushi souha peiwua panou zü zhiyu hisü nou kushupu more, meivabvü aliye sounghiyu büa sounghi peiwure!

E hai neletao MAPAO, Sheeyu Ramai-e, neletaoye sou-apeio, neletao vei Veo nasüe.”