Popular Bible Verses from EBRIAMAI 13

Share

Neletao hrümaisü pousha züpayu hinou dosoulo, alia neletao vei bubuyu sünanou khralou baio. Daiolouzü Ramai nou haibüa paoe, “E nehinou takhai laimoe; moa Enou neye thao khai laimoe.”

Jisu Khrista hai doa, zhoua ea teisa nou kheihao baie.

Südonou Eletao nou haibüa khuveia paolousüe: “Mapaowo hai Eye soukha-apeio nasüe, E pilai moe. Mainou Ahi dai souloulai?”

Avei vah souyu ea alinou liye soukhayu nasü ngaiwuso, daiolouzü sütaosü Ramai nou züpayu posheelayu taoe.

Sükuyu thaisü, Eletao nou Jisu vanou Ramai hisü tobai soumoa paoshoyu vei posheelayu süolouzü puhye nou Mapaowo süe tea münou dua paopayu sü popei laikhe.

Sheenghiyu hai maikhemai hrülainou tsükhoulai, alia sheenghiyu vei zühnasü souzhaiwuso; daiolouzü Ramai nou khakha chaozüyu ea maipfü maipuo sapayu maiye chikulai.

Shevai-shesüye sasa-a shepeiyu sü ngaikhaiso, daiolouzü sübüa souyu hinou mai kamainou sükhaimoa rakivamaiye sheloue.

Puhvei posheelayu athai süna vanou teisa vei vo sünaye paoshee souyu, zhaotao vei Zhaokho-apeio Aduna, Eletao Mapao Jisu ye sü Ramai nou athai hinou souhrishu peire. Kaonayu Ramai nou nelelao hisü puhnou lichoyu souloure donou neletao nou moshilaiyu na avei teitei peiyu sü souloukhaio, alia Jisu Khrista vanou puhye panou puhnou züpa vahsü Eletao hinou soulou khaio. Alia Khrista hisü teisanou adusho paoyu sü souloukhaio! Amen.