Popular Bible Verses from SAM 18

Share

LALPA chu ka lungpui leh ka kulhpui, Min chhandamtu a ni. Ka Pathian, ka himna lungpui, Min chhandamtu ropui, ka phaw leh kulhbîng sâng a ni.

Pathian hi zawng a kawngte a tluang a, LALPA thu chuan fiah a dâwl ṭhîn a, Amah bêltu zawng zawngte tân phaw a ni.

Fak tlâk LALPA chu ka ko va, Hmêlma lakah min hum ta a.

Ka mangang chuan LALPA ka han au va, Pathian hnênah ṭanpuina ka dîl a, A tempul aṭang chuan ka aw a lo hria a, Ka au thâwm chuan a beng a thleng ta e.

Ka khâwnvâr chu mi hâlsak a, LALPA ka Pathian chuan ka thimna chu min tihênsak ta.

Chaknaa min thuama, Ka kawng titluangtu chu Pathian a ni.

LALPA hi zawng Pathian nung a ni, Ka lungpui chu fak rawh u, Min chhandamtu Pathian chu ropui rawh se.