Popular Bible Verses from Matie 19

Share

Ŋɔi Jesu í cɔ ŋa nɔ í ni, bi amanɛ ŋai kaa ce, amma Ilaaɔ̃ á yɔkɔ ku ce fei ndɛɛ.

Si bɛɛbɛ a kù jɛ aŋa minji má, ara akã dei à jɛ. Na nŋu, amanɛ kù nɛ ku fɛɛfɛ mii iyi Ilaaɔ̃ í tɔtɔɔ.

Nɔ í jɛ nŋa í ni, i kù cio iyi kukɔi idei Ilaaɔ̃ wa fɔ ŋa? Í ni, hai sinte, Woo taka í ce ŋai inɛmɔkɔ do inaabo. Nɔ í ni má, na nŋu, mɔkɔ á jɔ̀ iyeò baaɛi nɔ nŋu do aboɛ a maa wɛɛ nɔ aŋa minji fei a baa a jɛ ara akã.

Ŋɔi Jesu í sɔ̃ ŋa í ni, i jɔ̀ amu ŋau a naa bi tom, i maà ganji ŋa, domi bommai Ilaaɔ̃ í jɛ ti inɛ ŋa iyi à jɔ ŋa.

Amma inɛ ŋa iyi à jɛ inɛi waju ŋa si nsɛi, nkpɔ nŋa á na ku jɛ inɛi anyi ŋa, nɔ inɛi anyi ŋa mɔ, nkpɔ nŋa á na ku jɛ inɛi waju ŋa.

Nɔ inɛ baa yooma iyi í jɔ̀ kpasɛ̃ɛ wa, walakɔ igbã do ifɔɛ ŋa, walakɔ wecĩɛ ŋa, walakɔ baaɛ, walakɔ iyeɛ, walakɔ amaɛ ŋa, walakɔ ikoɛ ŋa na irim, á ba ribaɛ ikɔ cĩɔ, nɔ ku ba kuwɛɛ hai tã má.

Ŋɔi Jesu í sɔ̃ɔ í ni, bii ì bi i kɔ̃ dee dee, koo ta mii iyi ì nɛ fei, nɔ i kpɛ̃a ilu are ŋa fiau. Bii ì ce bɛɛbɛ aa ba amani jiida lelei Aɔ̃. Si anyiɛ nɔ i naa i toom.

Nɔ Jesu í beeɛ í ni, na mii í ce ì waa beem idei jiida ku ce. Ilaaɔ̃ nŋu akãi í jɛ jiida. Bii ì bi i ba kuwɛɛ iyi ci ya tã, jirima woodai Ilaaɔ̃ ŋau.

Nɔ an sɔ̃ ŋɛ má iyi á faalaa kpookpo ku lɔ si iwoi abɛɛ do iyi ilu amani á lɔò tengi bii Ilaaɔ̃ í jɛ bommaɛ.

An sɔ̃ ŋɛ, inɛ iyi í kɔ̀si aboɛ nɔ kù jɛ na sakara, nɔ í so mmuɛ, nŋu takaɛ í ce sakarai.

Ŋɔi Jesu í sɔ̃ mɔcɔɛ ŋa í ni, ntɔ ntɔ ǹ wa n sɔ̃ ŋɛi, á gaabua ilu fia ku lɔ tengi bii Ilaaɔ̃ í jɛ bommaɛ.