Popular Bible Verses from Matie 18

Share

domi tengi bii amanɛ minji walakɔ mɛɛta í tɔtɔɔ à waa ce kutɔɔ do irim, ǹ wa si anini nŋa.

Ǹ wa n sɔ̃ ŋɛ má iyi bii amanɛ minji í ce anu akã si andunya ihɛ̃ a tɔɔ ngɔgɔ, Baam iyi í wa lele á mu nŋa

Ŋɔi Jesu í kpe ama keeke gɔ í leekĩɛ si anini nŋa. Nɔ í ni, ntɔ ntɔ ǹ wa n sɔ̃ ŋɛi, bii i kù kpaasi idɔ nŋɛ nɔ i kù yɛ bɛi ama keeke ŋa, i kaa lɔ tengi bii Ilaaɔ̃ í jɛ bommaɛ.

Inɛ iyi á jɛ inɛ ngbo si bommai Ilaaɔ̃ nŋui í jɛ inɛ iyi í kaye araɛ í baa í yɛ bɛi amau ihɛ̃.

Inɛ iyi í nɔ í gba ama keeke bɛi inɛ ihɛ̃ na irim, amui í gba.

Ntɔ ntɔ ǹ wa n sɔ̃ ŋɛi, mii iyi ì kɔ̀si si andunya fei ŋa, lele mɔ á kɔ̀sii. Nɔ mii iyi ì jɛsi si andunya fei ŋa lele mɔ á jɛsii.

Ŋɔi Jesu í ni, bɛɛbɛ mɔi Baam iyi í wa lele á ce nŋɛ, iŋɛ iyi i ci ya cea kpaasi nŋɛ ŋa suuru do inɔ akã.

Inɛ iyi í dasi inɛ akãi ama keeke ŋa iyi à dasim naanɛu ihɛ̃ dulum, á tia a dĩa lafɛ̃ɛu alɔ si kɔ̃ɔ a tale siɛ inɔ tenku inyi ku jɔɔ.

Bɛirei ì waa lasabu ŋa. Bii inɛ gɔ í nɛ angudã cĩɔ nɔ akãɛ í nyɔ, kaa jɔ̀ cĩɔ fakã kù wa siu titã si geete bii à wau koo dɛdɛ akã iyi í nyɔu wa?