Popular Bible Verses from MATIMANGOU KAPYII 8

Share

Jaonah teinii sana kashang seal tei kalaat tinglang kak pung aphang kakum sating gam tei malhiisupii bam takle.

Sating gamlui karei teinii ahmah kachem tei kongtakle, teito siiti ninado mi, zaigo ryii njasii sazyiikii rui m-mangtakle. Sateichii sazyii pouryii njai hangtum kito njai hangninii tei sungtoi aitakle, ruibang hang njai hangtum kito njai hangninii, sateichii sagei hiinhii kamadek hangtei sungtoi aitakle.

Teito Inii jule, sateichii sating sumteito jung kalei kalaang ruinah hangninanii rok sagoisii katam tei Inii shiitakle; “Kongtang karam sating gamlui kaki hangtum mah kachem hang jangteipii sazyii pouryiito lung kalei hang jangpiinii kamagele, kamagele, kamagele!”

Teito hangna kashang sating gamlui teinii ahmah kachem tei kongtakle, minii sungkalei zang kadi hangninii takumpii mah hangninii dwijai kikii toikai aitakle; sateichii dwijaimah njai hangtum kito njai hangninii tei zai ndat wotakle

Sateichii hangtum kashang sating gamlui teinii ahmah kachem tei kong takle, sateichii mi machii takumpii mi songkalei sageiti kadi hangninii sating gamto takmang- sanii karyii hangmah njai hangninii phyiiryii ninado dwimah dwipok hang phyiiryii takmang takle. Sageiti zei tei “Kakha” sii latle, dwi njai hangtum kito njai hangninii tei kha takle; meihangkii dwi tei sak wosii taitakle; Kadapokii dwi tei kakaa ndat takle.

Teito madai kashang sating gamlui teinii ahmah kachem kongtakle, sateichii leimikmah njai hangtum kito njai hangninii sakhiimah njai hangtum kito njai hangninii, sateichii sageiti hangmah njai hangtum kito njai hangninii, myii matutang karam jangpii, sateichii tingnamah njai hangtum kito njai hangninii, tinghum mahdo teitakumpiinii vamatulak tang ka- ram jangpii, leimikmah, sakhiimah ninado sageiti hangmah njai hangtum kito njai hangninii kakhii aitakle.