Popular Bible Verses from THUVÂRHAI 2

Share

RENGPA kêng vârna mi pêk ngai, ama bâia irthokin inhriatna le inhriat thiamna a isuak ngai a ni.

Ki nâipa, ki’rchûtirna thuhai ni poma, ki thupêkhai nir tika, kha vârna tiang ni mikuar ni sunga, ni lungrîl inhriat thiamna tiang ni pêkin chu; a ni, inhriatna chu ni zonga inhriat thiam theina khom ni ngêna, tangkarua angin ni zonga, irchon irthup angin ni zongin chu, RENGPA chi hi imo a ini hong inhren fel ta ni ta, Pathian inhriatnaa khan tuanintung ni ti.

Mi nunhoi hrangin vârna dik a buk khôma, mi dikhai hrangin ama chu phô a ni. Theibîk neiloi mihai kha a donsuia, a mi irthianghai chu a vong insa ngai.

Mi fel, mi nunhoihai khan hi ram hi lua an ta, mi dikhai chu khatak khan om mai an ti. Mi siathai rêk chu hi ram ata Pathianin irzûlpaihai a ta, mi sualhai khom thingkung angin thatpaihai a ti.

Nupang om papai, a chongbâi thiamna sika nang porinchetir tum ata chu nang saninzôk a ti, a vânglaiin pasal chunga iamom loia, Pathian makunga a chonginkung irnghil ngai mi rengata kha.