Popular Bible Verses from 1 JOHN 4

Share

Hamjaoma hade khin mani musibo giri, hamjaoma phura jaba ha khinma khebo rik khlai re. Khinyaba ha saja dongpha bani, khinma gnang jayaba ha hamjaoma phura jaya kha.

Ansarao, nisi Madai ni phrang se, bonsi khe nisi de kha; nisi niha dongyaba habsao ha dongyaba thanebo dedaoyaba se.

Bo jing khe hamjao da bani jing hamjao du.

Hamjao daothaoyarao, jing saosi jang saosi hamjao lai nang, hamjaoma Madai ni phrang baigoyaba se; hamjaoma khe maiyaba side bo Madai niha hajai kha. Bo Madai khebo tharmai du.

Thikhabo, sere niha hamjaoma-mayama giri, bode Madai khe tharmaiya. Madai de hamjaoma se.

Hamjaoma-mayama ebo se: Jing Madai khe khasao ba niya hi, bo jing khe hamjao bani, jini phap buthu khe map khlai mane khlai hi bo jar ni basa khe haiha ba.

Hamjao daothaoyarao, Madai ning olei jing khe hamjao khade, jingbo saosi jang saosi jing hamjao laima khasao laima nang du.

Madai ni hamjaoma-mayama jini bising ha nujao phai kha; boni khlai hi jing thang hi dongphu mani Madai ning jar ni basa saosi mang mangyaba khe habsao ha haiha ba.

Asaba subung, Madai khe ang hamjao du thi hi jar ni daphlung khe jajaoya jakha de, subung grao mosol thi ba se. Boni daphlung jar nuyaba khe ning bo hamjaoya kha la, Madai nuyayaba khe la bo bedehe hamjao phu ma?

Sere Jisu khe Madai ni basa se thihi mani du, boniha Madai dongpha hi, bobo Madai niha dongsong du.

Bo ni phrang grao jing maiyaba ebo se: sere Madai khe hamjao du, bo jar ni daphlung khebo hamjao ma nang du, thiyaba se.

Hamjao daothaoyarao, khrip bese khe da lon lah, mosol gorasali gabang baigo phai kha bani bese buthu khe Madai ni phrang baigoyaba na baigoyayaba bo khe nai lah. Ebo khe Madai ni bese jang nisi tharmai phu nang; Jisu Krista saomang ha phaiba thihi maniyaba Bese maiyaba de Madai ni phrang baigoyaba se.

Odehe, Jisu khe maniyayaba bese de Madai ni phrang baigoyaba niya. Bode Krista jang nanglaiyaba bese phai mani grao khe nisi khnayaba se; duhabo habsao ha dong phaisai kha.