Popular Bible Verses from 1 JOHN 3

Share

Ansarao, grao jang se ning ode khuh jang se ning hamjaoba niya hi, gibi grao jang khusi dang hi ja thing.

Bo jar ning jinthane hayu riyaba ha ning hamjaoma la snadi thihi jing tharmai kha. Odebani daphlungrao ne khlai hi jini hayu khe jing rima nang du.

Nai lah, Bupha Madai jingkhe bo hamjaoyaba bislei de du, Madai ni basathu jing khe slam kha! Olei ning jing ja kha. Odebani se habsao jing khe tharmaiya, bokhe tharmaiya bani.

Sere phap khusi dang du, bo soithan ni phrang baigoyaba se. Soithan de jenba ni phrang phap khusi dangyaba se. Madai ni basa nujao phaiba ni balambo soithan khusi dangyaba buthu khe sjam mani khlai hi se bo phai ba.

Sere Madai ha hajai du, Madai ni bumu boni ha dong kha bani bo phap khusi khe dangphuya kha; bede thikhade Madai ha bo hajai kha bani phaphi japhuya kha.

Sere habsao ha gnang jahi jar ni daphlung musi giriyaba nuhi, bokhe khasaoya thikhade, boni ha Madai ni hamjaoma bede dong phu ma?

Bo grao riyaba khe maniyarao boni ha ning dongsong du, bonsi niha ning bobo dongsong ma se. Odehe, eraha ning bo jinthane Bese riyaba dong thi hi jing tharmai du.

Madai ni basathu jang soithan ni basathu khe mithi phuyaba de ebo ning ja kha: sere gibi khusi khe dangya, bo Madai ni phrang baigoyaba niya. Jar ni daphlung khe khasaoyayaba de Madai ni phrang baigoyaba niya.

Bo jenba ni phrang nisi ne grao khna riyaba ebo se: nisi saosi jang saosi hamjao lai lah.

Daphlungrao, habsao nisi khe jajaoya ja la khabo, nisi da gmang.