Popular Bible Verses from Hulubaton 21

Share

Ang tawo nga nagatinguha gid nga magkabuhi nga maayo kag matarong magakabuhi sing malawig kag madinalag-on, kag padunggan siya sang mga tawo.

Kon magplano ka sing maayo kag magmapisan, sigurado nga magauswag ka. Kon magpadasodaso ka, sigurado nga magaimol ka.

Ang tawo nga nagahalong sa iya mga ginahambal makalikaw sa gamo.

Mahimo nga nagahunahuna kita nga husto na gid ang tanan ta nga ginahimo, pero ang GINOO lang ang makahukom kon ano gid ang aton motibo.

Bisan preparado na ang mga kabayo sa inaway, ang GINOO lang ang makapadaog.

Mas nalipay pa ang GINOO kon maghimo sang husto kag matarong ang isa ka tawo sang sa maghalad siya sang mga halad.

Wala sing kaalam, pag-intiendi, ukon laygay nga makatupong sa GINOO.

Kon wala mo ginasapak ang mga imol kon magpangayo sila sang bulig, indi ka man pagsapakon kon magpangayo ka sang bulig.