Popular Bible Verses from Hulubaton 20

Share

Indi ka magbalos. Magsalig ka lang sa GINOO, kag buligan ka niya.

Ang GINOO amo ang nagabuot sang aton kabuhi, gani indi ta mahibaluan kon ano ang aton palaabuton.

Ang aton konsensya ginagamit sang GINOO nga magpasanag sang aton kabuhi, kag paagi sini mausisa ta ang aton pagkatawo.

Mahimo nga ang panghunahuna sang isa ka tawo pareho sa tubig nga madalom, pero kon maalamon ka, matungkad mo ini.

Ang palakutsokutso nagapanugid sang sekreto, gani likawi ang tawo nga pareho sina.

Ginapadunggan ang tawo nga nagalikaw sa gamo; ang buang-buang lang ang naluyag sang gamo.

Ang matarong nga tawo nagakabuhi nga wala sing kasawayan. Bulahan ang iya mga anak nga nagasunod sa iya pamatasan.