Popular Bible Verses from Hulubaton 22

Share

Tudlui ang bata sang husto nga pagginawi, kag dumdumon niya ina bisan tigulang na siya.

Ang pagtahod sa GINOO kag ang pagpaubos makahatag sa imo sang manggad, dungog, kag malawig nga kabuhi.

Mas maayo nga pilion ang maayo nga reputasyon sang sa madamo nga manggad. Ang pagtahod sang mga tawo sa imo mas bilidhon pa sang sa bulawan kag pilak.

Indi ka magpakig-abyan sa tawo nga dali mangakig

Pakamaayuhon sang Dios ang mga mahinatagon nga nagahatag sang pagkaon sa mga imol.

Nagalikaw ang maalamon nga tawo kon masugata niya ang katalagman, pero wala nagalikaw ang tawo nga wala sing alam, gani nagaantos siya.

Ang mga imol ginadumalahan sang mga manggaranon, kag ang mga nagautang ulipon sang mga nagapautang.

Ang manggaranon kag ang imol pareho lang nga ginhimo sang GINOO.

Indi ka magpamintaha sa mga imol, kag indi sila pagdaog-dauga sa korte, kay ang GINOO amo ang magadepensa sa ila. Kag kon ano ang inyo himuon sa ila nga indi maayo amo man ang himuon sang GINOO sa inyo.