Collective: Знайдзем жыцьцё разамУзор

Паразмаўляйма пра спатканьні й прызначэньне ды пры тое, як яны спалучаюцца.

Мы ўжо размаўлялі пра важнасьць узаемаадносінаў. Паразмаўляйма зараз пра спатканьні. Для вернікаў, спатканьні могуць быць няёмкай ды проста небясьпечнай тэмай. Напэўна таму, што наконт яе бытуе шмат розных бескарысных парадаў.

Па-першае, можаш трохі расслабіцца. Людзі часта гавораць пра пошукі “наканаванага сужэнца”, але гэта насамрэч не існуе. Аніводны чалавек ня здолее зрабіць цябе цэлым. Толькі Ісус здолее споўніць твае найглыбейшыя жаданьні быць вядомым, бачным ды любімым дакладна за тое, кім ты ёсьць. Заміж таго, варта шукаць такога чалавека, які добра ведае Ісуса й можа дапамагчы табе быць лепшым пасьлядоўнікам Мэсіі.

Але гэта не азначае, што кожная сустрэча за кавай, на якую ты ідзеш, павінна быць утрапёным пошукам адказу на пытаньне: “Ці гэтая асоба годная для шлюбу?” Можаш проста знаёміцца зь людзьмі ды слухаць іхныя гісторыі. Засяродзь сваю ўвагу на наладжваньні сяброўстваў і не хвалюйся, намагаючыся ўявіць будучыню з кожным чалавекам, зь якім ідзеш на спатканьне.

Адылі, ты можаш і павінен усталяваць межы дзеля таго, каб мець здаровыя ўзаемаадносіны. Вырашы, як ты будзеш спаткацца і дзе вызначыш ліміт фізычна, духоўна й эмацыйна.

Вось, аднак, важная рэч наконт межаў: ты павінен пераканацца, што ты ня ходзіш вакол іх на дыбачках. Тваёй мэтай не павінна быць: “Што я магу такога зрабіць, што не парушыць межаў?” Тваёй мэтай павінна быць: “Як гэтыя ўзаемаадносіны могуць прынесьці як найбольш славы Богу?” Калі гэта ёсьць тваёй мэтай, то становіцца даволі лёгка ўсталяваць правільныя межы, каб ахаваць сябе ад болю, які можа прыйсьці пазьней.

Апрача таго, паміж наладжваньнем ўзаемаадносінаў і выкананьнем твайго прызначэньня могуць быць напружаньні, але тое ня мусіць быць так. Не адкладай выкананьне твайго прызначэньня, пакуль ня знойдзеш сабе сужэнца, бо зноў жа ж — аніводны чалавек ня здолее зрабіць цябе цэлым.

Заміж таго, спытайся ў Бога, што мусіш рабіць далей ды рабі тое. Чакай узаемаадносінаў, якія маюць мэту, і адначасова жыві, працуючы над выкананьнем твае мэты.

Ёсьць столькі ціску паступіць у інстытут, знайсьці сабе сымпатыю, заручыцца, пабрацца шлюбам. І тое добра для некаторых людзей, але не для ўсіх. І ў гэтым няма нічога дрэннага! Кінь чакаць таго, што павінна адбыцца і проста цесься зь цяперашняе пары твайго жыцьця, якую дае табе Бог.

Незалежна ад таго, ці ты жанаты (замужняя), ці ты нежанаты (незамужняя), у Бог ёсьць плян для цябе, таму засяродзься на тым, каб рабіць добрыя справы і закахацца больш у Ісуса. Рэшта прыйдзе з часам.

Паразважай: Як будуць выглядаць твае будучыя (або цяперашнія) ўзаемаадносіны, калі тваёй мэтай стане “Як гэтыя ўзаемаадносіны могуць прынесьці як мага больш славы Богу?” замест “Што я магу такога зрабіць, што не парушыць межаў?”

Памаліся: Божа, я хачу, каб маё жыцьцё прыносіла Табе славу. Тое ўлучае спатканьні! Дапамажы мне быць пэўным і задаволеным тым, кім я ёсьць і як Ты стварыў мяне, каб я змог жыць паводле майго прызначэньня — ня мае значэньня, ці я нежанаты (незамужняя), ці я маю сур’ёзныя ўзаемаадносіны зь кімсьці. Дапамажы мне стаць чалавекам, які вядзе людзей, зь якімі мае ўзаемаадносіны, бліжэй ды бліжэй да Цябе. У імя Ісуса. Амін.