Collective: Знайдзем жыцьцё разамУзор

Ці я падабаюся іншым? Ці я падабаюся самому сабе?

Сацыяльныя сеткі ствараюць культуру параўнаньняў. Гэта нібыта лічбавая табліца вынікаў, якая ніколі не спыняецца. Мы трапляем у пастку параўнаньня колькасьці падабаек: колькі набраў наш фатаздымак у параўнаньні з фатаздымкамі іншых людзей? Калі мы бачым здымак, на якім нашыя сябры добра бавяць час, то мы дзівімся: “Чаму мяне не запрасілі? Чаму мне так самотна?”

Вось што мы мусім зразумець: лічбавае часта можа быць хлусьлівым. Мы параўноўваем усё сваё жыцьцё з малой часткай жыцьця нейкага іншага чалавека. Адфільтраваная стужка можа прымусіць нас думаць, што ўсе людзі жывуць шчасьліва, тады як мы змагаемся зь цяжкасьцямі за кулісамі. На самой справе ж, тыя людзі, пэўна, перажываюць такія ж цяжкасьці як і мы. Мы проста ня бачым тае часткі іхняга жыцьця.

Вось чаму мы павінны перастаць параўноўваць і спаборнічаць. Ісус даў нам выдатны ўрок наконт гэтага ў Мацея 9:36. Ісус убачыў натоўп людзей і адчуў вялікую спагаду да іх.

Будзьма зараз шчырымі: калі ты бачыш натоўп людзей, адчуваеш спагаду або спаборніцтва?

Калі мы бачым спаборніцтва, то ў нас ня будзе спагады, а калі ў нас ня будзе спагады, то мы страцім сяброўства.

Дык спынем гэты бясконцы цыкль параўнаньняў і заміж гэтага абярэм прыняць нашую таясамасьць у Хрысьце! Як тое выглядае?

Твая таясамасьць не залежыць ад тваіх пачуцьцяў. Яна залежыць ад Сьвятога Духа ў табе. Калі ты йдзеш за Ісусам, дык той жа самы Дух, Які ўваскрэсіў Ісуса зь мёртвых, жыве ў табе. Таму падчас дзён, калі табе здаецца, што ты ня маеш шмат вартасьці, памятай, што пачуцьці зьмяняюцца, але наш Бог Той Самы ўчора, сёньня й заўжды. І праз тое, што Ісус зрабіў дзеля нас, Бог ня бачыць твайго грэху, Ён бачыць Свайго Сына.

Ты быў створаны паводле Божага вобразу. Сьвяты Дух знаходзіцца ўнутры цябе. Падчас тваіх найгоршых або найлепшых дзён Бог любіць цябе, Ён за цябе і Ён абраў цябе. Калі ты не адчуваеш гэтага, усё роўна чытай Божае Слова. Рабі штодзённыя запэўненьні, заснаваныя на Сьвятым Пісьме, каб нагадаць сабе, што Бог кажа наконт таго, кім ты ёсьць.

Калі ты ведаеш, кім ты ёсьць, то можаш кінуць параўноўваць і пачаць цешыцца з таго, як дзіўна Бог стварыў кожнага з нас.

Паразважай: Як ты можаш кінуць параўноўваць і пачаць заміж таго цаніць людзей у тваім жыцьці? Што табе трэба зрабіць, каб сапраўды пачаць верыць у тое, кім Бог кажа, што ты ёсьць?

Памаліся: Божа, дзякую Табе за Ісуса. Дзякую за Тваю ласку ды любоў. Дапамажы мне даведацца й верыць у тое, што Ты кажаш пра мяне. Дапамажы мне кінуць параўноўваць сябе зь іншымі і пачаць цаніць людзей навокал. Напоўні мяне
спагадаю як да самога сябе, так і да іншых людзей. У імя Ісуса. Амін.