Collective: Знайдзем жыцьцё разамУзор

Як знайсьці сабе сяброў?

Мы ўжо абгрунтавалі, што знаходжаньне сяброў зьяўляецца досыць істотным дзеля знаходжаньня кірунку ў нашым жыцьці. Але заводзіць сяброўствы ў дарослым жыцьці часам можа быць няёмка й дзіўна. Дык як знайсьці сабе людзей, зь якімі сябраваць?

Па-першае, ведай, што Бог ёсьць верным у Сваім абяцаньні забясьпечыць. 1 Яна 5:14 кажа, што мы можам быць упэўненымі ў тым, што Бог чуе нас, калі мы просім Яго аб рэчах паводле Ягонае волі. Тое, каб мы мелі людзей, каб жыць разам, ёсьць часткай Божага пляну для нас. З гэтае прычыны мы можам быць пэўнымі, што калі мы просім Бога даць нам сяброў, то Ён абавязкова зробіць тое.

Ісус кажа, што калі мы просім Яго аб нечым, то гэтак жа як добрыя бацькі ня зробяць ліха сваім дзецям, Ён не падмане нас. Дык маліся, каб правільныя людзі зьявіліся ў тваім жыцьці ў добры час. Молячыся, будзь уважлівым да голасу Сьвятога Духа. Можа, Ён пакажа табе нейкага калегу на працы, якога ты можаш запрасіць палуднаваць разам, або нейкага чалавека, зь якім ты служыш у царкве, зь якім мы можаш пазнаёміцца бліжэй.

Але вось у чым рэч. Каб знайсьці сяброў, ты павінен выйсьці з тваёй зоны камфорту й ведаць, што часам ты атрымаеш адмову. Дзеля таго, каб сапраўды знайсьці сваё месца ў жыцьці, трэба рызыкаваць. Трэба паказвацца, ня ведаючы, як яно пойдзе і хто пагадзіцца сябраваць. Бо адважна сустракаць страх перад адмовай ёсьць ключом да будоўлі ўзаемаадносінаў.

Таму калі ты адчуваеш, што ёсьць нейкі такі чалавек, зь якім ты павінен скантактаваць, зрабі гэта! Магчыма, ты таксама будзеш адказам на іхную малітву аб супольнасьці.

Задумайся на наступным: Каго Бог памясьціў у тваё жыцьцё? Як ты можаш выйсьці з тваёй зоны камфорту, каб пачаць сябраваць з тымі людзьмі?

Памаліся: Божа, дзякую Табе за тое, што Ты ёсьць добрым Бацькам, Які дбае пра ўсё сфэры нашага жыцьця. Сёньня я прашу Цябе прывесьці людзей у маё жыцьцё. Дапамажы мне знайсьці адвагу перамагчы страх перад адмовай і знайсьці сапраўднае сяброўства. Дай мне адвагі запрасіць якога-небудзь чалавека ў маё жыцьцё на гэтым тыдні. У імя Ісуса. Амін.