Вызваліцца ад стрэсуУзор

Перамясьціце вашую ўвагу

Стрэс не павінен вызначаць вашую гісторыю. Як мы з вамі пабачылі, стрэс — гэта неад’емная частка жыцьця, але Ісус можа дапамагчы нам перамагчы яго празь Свой нязьменны супакой. Як жа ж мы можам адмовіцца ад стрэсу і працягваць жыць? 

Мы мусім перамясьціць нашую ўвагу са стрэсу на Бога. Але як тое зрабіць? Перш-наперш, ведайце, што Бог дбае пра ўвесь ваш стрэс. Ня важна, калі вы непакоіцеся перад іспытам або перажываеце нэрвовы зрыў, думаючы, што рабіць з вашым жыцьцём — наш Бог дбае пра тое, і Ён дасьць вам супакой. Магчыма, што Ягоны супакой не заўсёды будзе выглядаць так, як вы яго сабе ўяўляеце, але ён заўсёды будзе тым, што вам неабходна. 

Вось тры крокі, каб адвесьці вашую ўвагу ад стрэсу: 

1. Праслаўце Бога да таго, як вы адчуеце сябе гатовымі.
   У Піліпянаў 4 Павал вучыць нас што рабіць, калі мы пад стрэсам, і ён пачынае з парады заўсёды радавацца ў Госпадзе. Заўсёды. Менавіта так — мы славім Бога, калі ў нас ёсьць жаданьне тое рабіць і калі жаданьня няма, бо нават калі наш настрой зьмяняецца, Бог ніколі не зьмяняецца. Ён заўсёды варты нашага праслаўленьня, нават калі мы знаходзімся ў цяжкіх абставінах. Калі мы славім Бога, то мы ўспамінаем, хто Ён ёсьць і як Ён дапамог нам. Бог мацнейшы за наш стрэс і за нашыя турботы. 


2. Аддайце ваш стрэс Богу.Наступны крок — памаліцца й аддаць кантроль. Мы павінны поўнасьцю здацца і верыць, што Бог падбае пра нас. У адным зь перакладаў Піліпянаў 4 напісана “ператварэце вашыя згрызоты ў малітвы…тое, што адбудзецца, калі Хрыстос займе месца згрызотаў у вашым жыцьці, будзе цудоўным.” Вызваліцца ад стрэсу азначае поўнасьцю скарыцца й не азірацца. 


3. Зьмянеце вашыя думкі.
   Паспрабаваць прыпыніць стрэс недастаткова. Мы мусім зьмяніць ход нашых думак. Павал піша, што мы павінны думаць пра ўсё праўдзівае, сумленнае і вартае любові. Думайце пра тыя рэчы, а не пра тое, што выклікае ў вас стрэс. Не забывайцеся быць удзячнымі за тое, што вы маеце, за тое, ад чаго Бог выратаваў вас, за цудоўных людзей у вашым жыцьці. Дазвольце ўдзячнасьці напоўніць ваш розум і вашае сэрца. І нарэшце, паланеце ўсякія задумы на паслухмянасьць Хрысту. Памяняйце “Я пад стрэсам” на “Усё магу ў Ісусе Хрысьце, Які мацуе мяне.” Разьбіце хлусьню, якую нашэптвае вам стрэс, магутнай праўдай Божага Слова. 

Калі вы прызвычаіцеся рабіць гэныя тры рэчы, вы будзеце адчуваць Божы супакой у любых абставінах. Таму ўсьвядомце ваш стрэс, прыміце меры, каб замяніць яго праўдай, і аддайце яго вашаму нябеснаму Тату, які дбае пра вас. Вы можаце адчуваць супакой кожны дзень, таму імкніцеся да яго й пакіньце ваш стрэс. 

Абмяркуйце наступнае:

• На якім з гэтых трох крокаў вам варта засяроджвацца найчасьцей? 


• Як стрэс хлусіць вам? Чым вы можаце замяніць гэтуб хлусьню? 


• Вырашыце, як вы будзеце рэагаваць, калі вы зноў будзеце пад стрэсам.