Вызваліцца ад стрэсуУзор

Чаму вы надаяце значэньне?

Адным зь першых азначэньняў слова “стрэс” было “туга сьцягнуты” — што па сутнасьці дастаткова дакладна апісвае нашае адчуваньне, калі мы знаходзімся пад стрэсам. Вы адчуваеце, што вы ня можаце дыхаць ці думаць — нібыта вы абмежаваныя. Некалькі гадоў пазьней, слова “стрэс” набыло таксама й пераноснае значэньне. Найбольш раньнія азначэньні былі “рабіць націск на” або “ціснуць нешта, разьлічваючы на яго”. 

Зноў жа, апісаньне падыходзіць выдатна, верна? Калі мы знаходзімся пад стрэсам, то мы робім націск на нашую праблему. І часам у тым няма нічога дрэннага, але мы мусім спытаць сябе, каму мы надаем больш значэньня — нашым праблемам, або нашаму Богу? 

У шостым разьдзеле Мацьвея Ісус заклікаў нас паразважаць над гэтым. Ён патлумачыў, што мы не павінны клапаціцца аб тым, што прынясе нам будучыня. Замест таго, Ён запрасіў нас даверыцца Яму. Ён папрасіў нас падумаць, ці мы сапраўды верым, што Ён — добры Тата, які дбае пра нас, бо калі мы сапраўды верым, што Ён жадае нам найлепшага, то мы можам перастаць столькі клапаціцца пра тое, што мы будзем перажываць у хуткім часе. 

Адной з асабліва ўражваючых рэчаў, якія сказаў Ісус, было наступнае:“Шукайце ж перш Валадарства Божага і праведнасьці Яго, і тое ўсё дадасца вам.”(Мацьвея 6:33НЗПРП) 

Ісус ведае лепш за нас, што нам патрэбна на гэтай зямлі. Але можа мы настолькі засяроджаныя на нашых намаганьнях жыць файна, што мы забываемся засяродзіць нашую ўвагу на вечнасьці? Мы ведаем, што гэты сьвет не зьяўляецца нашым домам. Але як жа ж часта мы робім ідала з камфорту. Тое, аб чым мы хвалюемся, паказвае тое, аб чым мы дбаем. Значыць, калі мы заўсёды хвалюемся абы дасягнуць наступную вялікую рэч тут, то мы павінны падумаць аб тым, ці дбаюць нашыя сэрцы пра Божае Валадарства або пра будаўніцтва ўласнага валадарства. 

Хоць мы й павінны выкарыстоўваць дадзеныя нам Богам здольнасьці й таленты, каб зьмяніць нешта на гэтай зямлі, і хоць няма нічога дрэннага ў амбіцыі, мы мусім быць упэўненымі, што нашыя прыярытэты ўпарадкаваныя правільна. Шукайце перш Ягонага Валадарства — і тое ўсё дадасца вам. 

Разважаючы над вашым стрэсам, спытайце самі сябе, на што вы спадзеяцеся. Чаму вы надаяце значэньне? 

Абярыце засяроджвацца на Богу. Абярыце верыць, што Ён — добры Тата, які здолее дагледзець вас. І ў той час, як вашая ўвага засяроджваецца ўсё болей на Ім і ўсё меней на вас, вы будзеце здзіўляцца, што стрэс больш не падаецца такім вялізным. 

Абмяркуйце наступнае:

• Шчыра кажучы, чаму вы больш за ўсё надавалі значэньне ў вашым жыцьці апошнім часам?


• Якім чынам вы можаце пачаць засяроджваць вашую ўвагу на Богу, а не на вашым стрэсе?