Вызваліцца ад стрэсуУзор

Вы маеце доступ да дасканалага супакою

Калі вы ўжо доўга змагаецеся са стрэсам, то вы, напэўна, разумееце, што вы можаце яго адкладаць, спраўляцца й жыць зь ім, але вы ня можаце пераадолець яго самастойна. Стрэс — гэта блытаніна ў галаве. Ён рэагуе на зьменлівыя абставіны, якія прымушаюць нас адчуваць пагрозу, страх, непакой або трывогу. Але, нягледзячы на тое, што мы ня здолеем перамагчы стрэс самастойна, мы маем доступ да проціядзьдзя. Гэтым проціядзьдзем ёсьць супакой. 

У Ісаі 9 Ісус апісаны як “Князь Супакою”. Ісус быў і ёсьць ажыцьцяўленьнем супакою. Калі Ісус быў на гэтай зямлі, Ён паабяцаў Сваім вучням, што Ён дасьць і пакіне Ягоны супакой з намі нават пасьля таго, як вернецца на неба. Безь Яго няма супакою. Супакой таксама ёсьць адным з пладоў Сьвятога Духа, то бок ён бясспрэчна й зразумела зьяўляецца вельмі важным. 

Шмат людзей і рэчаў сьцьвярджаюць, што яны могуць прынесьці супакой у нашае жыцьцё: усялякія мэтады самадапамогі, артыкулы аб мэдытацыі, вядзеньне дзёньніку, і інш. У той жа час, не існуе замены сапраўднаму, дасканаламу супакою, які знаходзіцца толькі ў Богу. 

У Бібліі адно са значэньняў слова “супакой” паходзіць ад габрэйскага Shalam, што азначае “цэласьць”. Ня дзіва, што мы ня здолеем дасягнуць супакою самастойна. Мы з вамі зруйнаваныя людзі, і мы ня проста шукаем вырашэньня нашага стрэсу. Насамрэч, мы шукаем аздараўленьня. І толькі Бог можа ўзяць паламаныя кавалкі нашага жыцьця й зрабіць іх цэлымі або поўнымі. Ён такі. 

І вось яшчэ адна добрая навіна. Мы маем доступ да Божага супакою. Ісая таксама напісаў, што мы можам мець дасканалы супакой, калі нашыя думкі засяроджаныя на Богу. Узгадаўшы азначэньне стрэсу, мы зразумеем, што мы можам надаваць больш увагі Богу, а не нашым праблемам. 

Сьвяты Дух дапамагае нам знайсьці супакой, і Ісус дае нам супакой, калі мы Яго аб тым просім. Таму мне хацелася б, каб сёньня вы зразумелі, што вы ня можаце пераадолець стрэс самастойна, але вы можаце шукаць Таго, хто можа. І вельмі магчыма, што ў працэсе вы знойдзеце больш глыбокае аздараўленьне. 

Абмяркуйце наступнае:

• Якім чынам вы спрабавалі знайсьці супакой самастойна? 


• Як вы можаце пачаць шукаць сапраўдны супакой? 


• Якія сфэры вашага жыцьця патрабуюць аздараўленьня й цэласьці?