Вызваліцца ад стрэсуУзор

Не дазваляйце стрэсу кантраляваць вашае жыцьцё.

Для большасць з нас, стрэс — сапраўднае змаганьне. Але гэта ня мусіць так быць. Часта мы ўспрымаем стрэс як нешта такое, з чым мы папросту павінны спраўляцца, але, насамрэч, Ісус прапаноўвае нам свабоду ад стрэсу праз Свой супакой. 

Варта адзначыць, што не існуе цудадзейнага рэцэпту для пазбаўленьня стрэсу назаўжды. Стрэс — гэта эмацыйная, часам панічная рэакцыя на сытуацыі, якія ваш мозг успрымае як небясьпечныя. Насамрэч, гэта можа быць добрай рэччу, бо стрэс можа захаваць вас ад небясьпекі, заахвоціць вас прыняць лепшае рашэньне, або дапамагчы вам увесьці неабходныя зьмены ў вашае жыцьцё. Праблема ўзьнікае тады, калі стрэс пачынае кантраляваць вашае жыцьцё. 

Дык можа пытаньне не ў тым, як пазбавіцца стрэсу? Задайма лепшае пытаньне: якім чынам мы можам перафармуляваць нашае азначэньне стрэсу і як мы спраўляемся зь ім? Вось тры рэчы, якія дапамогуць вам кіраваць вашай рэакцыяй на стрэс. 

1. Не дазваляйце стрэсу кантраляваць вашае жыцьцё.Дазвольце стрэсу накіроўваць вашыя рашэньні, але не дазваляйце яму перашкаджаць вам думаць ясна. Папрасеце Бога паказаць вам, калі стрэс перашкаджае вам бачыць магчымасьці, якія Ён дае вам. 


2. Аддайце кантроль.Нішто ня падмацоўвае стрэс так, як гэта робіць кантроль. Ісус прапаноўвае нам свабоду ад цяжару. Але ёсьць адна ўмова — мы павінны прыйсьці да Яго. Пайдзіце да Бога і аддайце Яму ваш стрэс. Кошт таго — кантроль. Але ўзнагародай будзе свабода, супакой ды спачынак. 


3. Прасеце мудрасьці.
   Спытайце Бога, ці гэты стрэс можа навучыць вас нечаму аб тым, як вы паводзілі сябе апошнім часам. Ці ёсьць у вашым жыцьці сфэры, якімі вы мусіце пакінуць кіраваць самастойна? Ці не зашмат у вас забавязкаў? Папрасеце Бога лагодна выправіць вас, весьці вас і паказаць вам корань вашага стрэсу, а потым папрасеце Яго памяняць ваш стрэс на Ягоны моц. 

Абмяркуйце наступнае:

• Як вы можаце пачаць пераасэнсоўваць стрэс? 


• Чаму ваш стрэс можа навучыць вас аб вашым цяперашнім ладзе жыцьця? 


• Ад якіх рэчаў вам, магчыма, трэба адмовіцца, каб адчуць супакой?