Becoming Love: As ons by Volbring begin, waar eindig ons? (Deel 1)Voorbeeld

Dag drie - Die vrou wat op owerspel betrap is

Het jy al gevoel mense oordeel jou so erg dat dit voel of jy al klaar skuldig is?

In Johannes 8 is Jesus besig om die volk by die tempel te leer toe die Fariseërs 'n vrou inbring wat op owerspel betrap is. Die Fariseërs, wat Jesus wil uitlok, eis dat die vrou gestenig word.

'n Paar goed staan in hierdie gedeelte uit:

Eerstens spreek Jesus Hom uit teen skynheiligheid wat ander oordeel én Hy betoon genade en waarheid. Hy spreek die Fariseërs nie direk aan nie — Hy spreek die skynheilige aard agter hul gedrag aan.

Jesus betoon genade nie net aan die vrou nie, maar ook aan haar beskuldigers! Hy doen dit deur te sê: "Laat die een van julle wat ‘n skoon gewete het, eerste ‘n klip op haar gooi” (Johannes 8:7 AFR83).

Hierdie stelling — wat nie 'n oorlogsverklaring was nie, maar woorde van waarheid — het almal rondom die vrou onmiddellik tot nederigheid gestem.

Tweedens gebruik Jesus hierdie oomblik om die herstellende krag van liefde te openbaar. Hierdie vrou het dringend iemand nodig gehad om vir haar in te tree, iemand om haar saak te bepleit. Sy het behoefte daaraan gehad dat iemand haar sonde en skuld vergewe en wegneem. Iemand moes haar skaamte kon bedek. Sy het hoop vir die toekoms nodig gehad. Jesus word liefde vir haar deur die vervulling van al hierdie behoeftes te wees.

Laastens sê Jesus: "Gaan maar en moet van nou af nie meer sonde doen nie" (Johannes 8:11 AFR83). Dit was nie net 'n opdrag nie; dit is ook 'n verklaring oor hoe die krag van God se liefde jou in staat kan stel om 'n lewe te lei wat vry van sonde is.

Waar het jy in die verlede klippe gegooi in plaas daarvan om die taal van liefde en herstel te praat?