Waarom Ek GloVoorbeeld

Nr. 5 – Die beskikbare historiese bewyse bevestig dat die Bybel waar is

Lukas 1:1–4 (AFR83) – “Daarom het ek dit ook goedgedink om self alles stap vir stap van voor af te ondersoek …”

Onthou dat die Bybel oor ‘n tydperk van 1 500 jaar deur 35–40 outeurs geskryf is, en tog is dit samehangend; elkeen van die 66 boeke ondersteun en bevestig die ander.

Geloof sonder ’n historiese fondament of verifieerbare feite verdwyn uiteindelik in die lug. Volgens ’n artikel in Time (December 18, 1995) het geen argeologiese of ander ontdekking nog ooit ’n deel van die Bybel verkeerd bewys nie. Die Bybel gee nie bewyse vir alles nie, maar wat belangrik is, is dat daar niks in die Bybel is wat deur historiese bewyse verkeerd bewys is nie.

Daar is ook geen wesenlike teenstrydighede in die Bybel nie. Ja, sommige gedeeltes is moeilik om te verstaan, maar niks ontken die primêre doel van die Bybel nie — om God te openbaar, die openbaring van Jesus Christus en die weg na verlossing. Die aanspraak dat die Bybel “baie” teenstrydighede het, word tot net ’n paar sake verminder wanneer ’n mens bereid is om na die feite te kyk.

Nr. 6 – Die onmiskenbare feit van die opstanding van Jesus Christus

Lukas 1:1–4 (AFR83) – “Daarom het ek dit ook goedgedink om self alles stap vir stap van voor af te ondersoek …”

Baie mense vind dit moeilik om in die opstanding te glo. Tog is die geskiedkundige waarheid dat baie mense, op verskillende tye, Jesus ná sy opstanding gesien het. Op een geleentheid het 500 mense Hom gesien, en die dissipels en hulle vriende het Hom verskeie kere gesien.

’n Groot aantal prokureurs, insluitend nie-Christene, het die opstanding bestudeer en tot die gevolgtrekking gekom dat die beskikbare bewyse voldoende sou wees om in ’n hof van reg te staan.

Chuck Colson, een van die vyf belangrikste politici betrokke by die Watergate-skandaal, het gesê hy kon maklik bewys dat die opstanding móés plaasgevind het. Hy vertel hoe, binne ’n paar dae nadat die hele Watergate-affêre aan die pers uitgelek is, al vyf van hulle verskillende stories vertel het. In die geval van die opstanding het die elf apostels en dié wat Hom gesien het ná sy opstanding dit nooit ontken nie. Selfs onder die swaarste vervolging het nie een van hulle ooit hierdie waarheid verloën nie. Colson het gesê: as dit ’n leuen was, sou iemand dit vroeër of later verklap het.