VRYMAKING Van Pornografie Vir MansVoorbeeld

Vryheid deur middel van memorisering van Skrifgedeeltes

Ek sou jok as ek sê dat dit maklik is om Skrifgedeeltes te memoriseer, of dat ek altyd daaroor opgewonde is. Ek wil ook nie die indruk skep dat memorisering van 'n paar verse soos 'n towerspreuk is wat versoeking weerhou nie. Die Bybel is 'n gids om Jesus te vind en op die manier te lewe wat God gesê het die beste vir ons is. Dit behoort te help om ons in dissipels van Christus te verander.

Met daardie vrywaring en verduidelikings op die tafel, laat ons nie die krag van die Woord van God onderskat nie. Om dit te ken, is fundamenteel tot ons geestelike vorming. Dit word die manier hoe ons ons denke vul met wat God van ons verwag. 

Chuck Swindoll het geskryf: "Ek weet van geen enkele ander praktyk in die Christelike lewe wat, prakties gesproke, meer lonend is as om Skrifgedeeltes te memoriseer nie … Geen enkele ander oefening lewer groter geestelike dividende nie! Jou gebedslewe sal versterk word. Jou getuienis sal meer oortuigend en doeltreffend wees. Jou houding en siening sal begin verander. Jou denke sal waaksamer en oplettender wees. Jou selfvertroue en sekerheid sal verbeter. Jou geloof sal vaster staan."

Die memorisering van Skrifgedeeltes laat ons toe om meer soos Christus te word, terwyl ons sonde oorwin en oor die Satan triomfeer. Dit is 'n sleutelkomponent om die stryd te stry. Die Bybel sê ons moenie langer slawe van sonde wees nie, want as gelowiges is ons vrygemaak van daardie greep.  Jesus het gereeld Skrifgedeeltes aangehaal. Daar is sekerlik nie enige verdere rede nodig nie. 

Onse Vader, help my om u Woord deurentyd in my hart en denke te bewaar. Mag dit my herinner dat u liefde en krag my help om versoeking te oorwin en om pornografie uit my lewe te dwing. Help my om Jesus te vertrou, deur die Heilige Gees se krag te vind en vryheid te ontvang, deur op u Woord staat te maak. Amen.

As jy in die versoeking kom en niemand het wat jou aanspreeklik hou nie, of jy het bemoediging nodig, gesels met ons by www.needhim.org. Mag God jou seën.