’n Huwelik wat werkVoorbeeld

Die ritme van liefde

Stel jou ’n groot dansvloer voor met baie spasie om rond te beweeg. Daar is plek om kreatief te wees en vir individue om hulself uit te druk. Elke dansmaat het ’n rol om te speel. Nie een wil alles beheer nie. Elkeen is bewus van die ander se belangrikheid. Die doel is om saam ’n pragtige dans te skep.

Dis hoe die huwelik volgens God se ontwerp is.

Huweliksmaats het nie identiese rolle nie; hulle danspassies en bewegings verskil. Die agtergrond in ’n belangrike Bybelse beginsel vir álle Christelike verhoudinge is: wedersydse onderwerping.

Ons word geroep om:

• Onvoorwaardelike liefde te bewys.
• Ander eerste te stel.
• Ander se belange in ag te neem in alles wat ons doen.

Wanneer dié tipe liefde die fondasie van ’n huwelik is, word God se instruksies eenvoudig. En baie minder kontroversieel. ’n Huwelik waarin ’n man regeer en die vrou haar blindelings aan hom onderwerp, is nie God se plan nie. Dit is nié wat Efesiërs hier beskryf nie.

God roep ons om deel te neem aan ’n dans van wedersydse onderwerping waarin die man die eerste tree gee en die vrou saamwerk, terwyl albei ten volle onderwerp aan God is en mekaar opofferend ondersteun.

Elke dag is ’n geleentheid om die dansbaan te betree. Wedersydse instemming om julle passies te oefen, julle bewegings te koördineer en julle ritme te vind. Julle sal aan die choreografie moet werk, maar moenie die prentjie van die hele dans uit die oog verloor nie.

Julle harde werk sal ’n pragtige kunswerk skep.