Die Wonder Van KersfeesVoorbeeld

"Stil ... As Gevolg van die Lawaai"



Ek is lief vir Kersfeesmusiek. Ek is die ou wat aan die begin van Desember reg is om die Kersfeesalbums herhaalde kere te speel. Gee my maar enige Kersfeesalbum wat jy het! Is dit Elvis? Mariah Carey? Die Beach Boys? Justin Bieber? Druk net die "speel"-knoppie.



Een van my gunsteling liedjies is "Stille Nag." Dit is 'n helder herinnering aan die geboorte toneel van ons Verlosser. Dit herinner ons ook aan die trefkrag wat sy koms vir ewig op die hele skepping gehad het. Dit is 'n loflied van die goeie nuus vir elkeen van ons!



Christus se geboorte was die aanbreek van genade wat uiteindelik die krag gehad het om ons elkeen te verlos. "Stille nag, heilige nag, Jesus, Heer, voor u mag, voor u ryk moet die duisternis swig; tot in ewigheid bly U die lig - Heer, gebore vir ons ..."



Dit is 'n wiegeliedjie. Dit is 'n herinnering dat ons almal "soete hemelse rus" kry, want ons Verlosser het gekom. My vriende, moet julle egter nie misgis nie. Daardie nag was glad nie stil nie! Eerstens was daar 'n huilende, pasgebore baba teenwoordig. Ons weet mos almal dit kan nie stil wees nie. Oorweldigend en luidrugtiger as die huilende baba, was egter die enorme hemelse leërskare wat opgedaag het met lofprysing vir die pasgebore Koning.



Kan jy jou hierdie toneeltjie voorstel? Dit was seker 'n gedoente! Beslis baie hard. Met die koms van die Verlosser van die Wêreld, was dit partytjietyd in die hemel en op aarde. Nooit was daar voorheen sulke goeie nuus vir die mensdom as met die geboorte van Jesus nie.



Gedurende Desembermaand, het ons die geleentheid om oor die grootheid van daardie dag in Betlehem na te dink. Dit was 'n dag van luidrugtige feesviering en lofprysing. Terselfdertyd kan ons vandag in vrede rus, want ons Verlosser het gekom. Jy sien, ons kan slegs vrede en rus geniet as gevolg van die lawaai.



Stuart Makinson

Married Groups