PRAY4JAPAN — 17 Dae Gebedsgids vir JapanVoorbeeld

Dissipelskap

Baie Japannese kerke plaas meer klem op kerkbywoning as op persoonlike dissipelskap. Japannese gelowiges is dikwels baie toegewyd, maar nie individueel sterk of volwasse in hul eie persoonlike geloof nie.



Kom ons stem ooreen vir die versterking van individuele Japannese dissipels, wat tot sterk gelowige gemeenskappe lei.

AANBIDDING — God is onwrikbaar in sy aard en onveranderlik tot in ewigheid.

"Die Here is Koning, Hy beklee Hom met majesteit.



Hy omgord Hom met krag."



Die wêreld staan vas, dit wankel nie



en vas staan u troon van ouds af: U is van altyd af daar" Psalm 93:1-2 (AFR83).

HERE, U regeer! U is beklee met majesteit en omgord met krag. Van ouds af staan U troon vas. U is van altyd af daar.

VERKLARING — Gelowiges sal versterk word en in sy krag staan.

"Verder nog dit: Soek julle krag in die Here en in sy groot mag ... Trek daarom die volle wapenrusting aan wat God julle gee, sodat julle weerstand kan bied in die dag van onheil en, nadat julle die stryd tot die einde toe gevoer het, nog op julle pos kan bly staan" Efesiërs 6:10, 13.

Jesus, ons verklaar dat u volgelinge sterk is in die Here en in u magtige krag. Terwyl hulle die volle wapenrusting van God aantrek, sal gelowiges hul man staan teen al die aanslae van die vyand.

BID — Mag sterk dissipels tot 'n sterk Kerk in Japan lei.

"Ek bid dat Hy deur sy Gees uit die rykdom van sy heerlikheid aan julle die krag sal gee om innerlik sterk te word,



dat Christus deur die geloof in julle harte sal woon en dat julle in die liefde gewortel en gegrondves sal wees.



Mag julle in staat wees om saam met al die gelowiges te begryp hoe wyd en ver en hoog en diep die liefde van Christus strek" Efesiërs 3:16-18.

Here, ons bid dat U gelowiges in Japan met u heerlike rykdom, krag en Gees in hulle innerlike wese mag versterk, sodat Christus deur geloof in hulle harte kan woon.