Rick Warren se Daaglikse OordenkingsVoorbeeld

Liefde is altyd 'n reaksie op liefde

God is besorg oor elke aspek van jou lewe.

'n Tyd gelede was daar 'n man in my kantoor wat vir my gesê het: "Ek is 'n Christen, maar ek voel nie of ek êrens heen op pad is in my Christelike lewe nie. Dis asof ek in neutraal vassit."

Ek het hom gevra: "Wat dink jy is die probleem?"

Hy het gesê: "Ek dink my probleem is dat ek God nie lief genoeg het nie."

My antwoord was: "Dis nie jou probleem nie. Jou probleem is nie dat jy God nie lief genoeg het nie. Jou probleem is dat jy nie verstaan hoe lief God jou het nie."

Liefde is altyd 'n reaksie op liefde. Die Bybel sê: "Ons het lief omdat God ons eerste liefgehad het" (1 Johannes 4:19). Wanneer jy sê: "Ek het God nie lief nie," is dit omdat jy nie werklik verstaan hoe lief Hy jou het nie. God is 'n barmhartige Vader wat omgee vir jou.