Leesplan inligting
God se HartklopVoorbeeld
LIEFDE
I Johannes 4: 8
O God, U is Liefde; en ek prys U vir al U eienskappe! Dankie vir U geduld en goedheid wat U daagliks aan my bewys. Dankie dat U optrede nie op menslike jaloesie of hoogmoed gegrond is nie, maar vanuit 'n suiwer hart kom, vol omgee vir my in geheel. Dankie dat U nie onbetaamlik optree of U eie belang soek nie; U het eerder die kruis namens my gekies. Dus, dankie dat U nie uitgelok word nie en nie rekening gehou het met onreg wat U gely het nie. Inteendeel, U het verkies om onderdruk en verdruk te word, tog het U nie U mond daaroor oopgemaak nie. U standvastige swye het 'n soete verlossing vir my siel gebring! O God, ek dank U! U liefde is nie bly oor ongeregtigheid nie, maar is bly saam met die waarheid. U liefde verdra alle dinge, glo alle dinge, hoop alle dinge en het geen einde nie. U liefde gee nooit op nie. Dankie, Jesus! Dit is die liefde wat U bewys het, en wat U aanhou om getrou aan my te bewys, selfs in my sonde. U het my met U liefde gekoop; U liefde het my vergewe; U liefde het my verlos; O God, U liefde hou my in stand! My hart word daagliks deur U liefde beheer sodat ek ander wat na U lewensveranderende aanraking verlang, kan nadertrek. Laat my hart vanuit hierdie onomstootlike waarheid optree: Ek het U lief omdat U my eerste liefgehad het!
(In elkeen van die 30-dag oordenkings uit The Heartbeat of God is die kursiewe woorde gedeeltes wat uit die NASB weergawe van die Skrif geneem is. Verwysings wat op die verwysingsbladsy verskyn, is in die volgorde waarin hulle in die oordenkingsgebed verskyn.)
©Chris Baxter 2014 Ð Clear Day Uitgewers
Aangaande hierdie leesplan
'n Geloofskat lê in hierdie 30 dae van toewyding, "Die hartklop van God." Elke dag begin met 'n lofverklaring met die woorde: "O God, U is...". Dan word Sy karakter en eienskappe (byvoorbeeld: "O God, U is goed") ontvou....
More