Gewilde Bybelverse vanaf Lukɨ 12

Deel

Nabaai sarɨmɨ kwaihɨlyɨ nayaa tavaravana dɨmwaalyɨla! A'mweraavɨne Kaimɨraayai gave pɨgaa' bathehaa'na sarɨmɨ jawɨryidehaa' ‘Dahaasagaa' mabi yadelyɨra,’ yɨ dazagaasagaa' bathelyɨra. Sare'na tavaravana dɨmwaalyɨla!”

Sare kɨrɨ' Gotɨyai a'mweraavɨ maremwaaide' bɨramaasa'na sɨmunya jawɨryide'nanyɨ. Sara kyawɨrapɨri yuya daza kɨnɨjɨ yɨhɨzaavadelyɨ.

Sara wɨdɨna yaka kumɨnyɨ wɨdɨna “Sarɨmɨ mala jɨwannyɨla! Nayaa javarannemwaalyɨla! Gɨlyɨvɨsangɨna tɨganaarya nyɨpɨdɨka! A'mwe gɨlyɨvɨta naanga kwalaalyajɨyai, sai gamɨre gɨlyɨvɨta dazangɨna gaalyabwi kɨnɨnnakei daaka!”

Sare' dare'nanyɨ. Sarɨmɨre gɨlyɨvɨta nawɨ'nyanna nawɨ'nyanna warɨkebanna yɨ dazahɨbanna sarɨmɨre sɨmunya yawɨrɨbainyɨna jidevera.

Sarɨmɨjɨya pwai sɨmunya kwalaalya yawɨrajai sangirɨ' kɨbawamaalɨ'na pɨrɨsɨ gamɨre mwaalyagaa'na yɨbwa'mwagannei daaka!

Gamɨre mɨdɨdɨvɨsaraavɨ wɨdɨna “Sarevɨ sarɨmɨnyɨ yɨhɨthɨvanɨge. Sarɨmɨre mwaalyabwina sɨmunya kwalaalya myawɨpɨnera! Sara yawɨ'dɨvɨ' dara nadɨpɨka! ‘Nemɨ tɨka munne benɨ naadeinaavaka?’ Nabaai sarɨnnya kɨlaakejɨkaavɨna sɨmunya kwalaalya myawɨpɨnera! Sara yawɨ'dɨvɨ' dara nadɨpɨdɨka! ‘Nemɨre kɨlaakejɨkɨ be yaawiajɨ baazɨ'ma'naadeinaavaka?’

Aawa. Sarevɨ sahwai sarɨmɨre mɨnyagɨnyangɨya mɨjata yuyangɨ ata mena gimanɨkengɨ. Sare'na lɨka mipɨnera! Binna kwalaalyaraavɨne nɨgwiangɨ sarɨmɨ mena wavɨla'nɨkeihɨlyɨra.

Sarɨmɨ sipɨzipɨya maalɨkevaasɨyaihi lɨka mipɨnera! Gamɨre maremwaaide' yɨhɨzaaya'nei Sɨrɨnɨmaangei yagaalya' mena jamungajakelyɨ. Sare' yɨlaaya yakelyɨ. Sare'na lɨka mipɨnera!

Yusaraavɨna jawɨranganyɨla! Witɨya wia burɨdɨvɨtara mɨ'. Tɨka munne gimujayɨ'bwarakaabadɨvɨtara mɨ'. Kumɨre tɨka munne angejɨ anga yuhwakamaarya'nejɨ kunere. Kɨrɨ' Gotɨyai tɨka wapaaya wɨjaavadere. Sare'na sarɨmɨ a'mweihi yusaraavɨ yuna naanga wavɨla'dɨvɨsaihi midaaka!

Sarevɨ sarɨmɨ yawɨrɨkwaasa kwalaalya myɨpɨnera! ‘Nemɨ tɨka wapaaya benɨ naadeinaavaka? Aalya benɨ naadeinaavaka?’ Nabaai sɨmudaadaanya myawɨpɨnera!

Wawɨnyangɨ dahaa' kurɨvaarɨya waayɨke sare sa yune mwanyagaa' davapɨjɨ dɨkevɨ sɨtovɨyavɨ marirapɨ'dengɨ. Nabaai yaasɨwakurɨvaarɨya sa, yɨ sangɨ Gotɨyai yɨwaala yɨwagɨthaakwadengɨ. Sarevɨdaa'nyɨ yɨ sarɨmɨ dɨragɨnna maalɨ'na lɨmwadɨvɨsaihi kurɨvaarɨya sa yuna naanga wavɨla'dɨvɨsaihɨrɨ yɨhɨvaazɨ'makwadei daaka!

Yuya sa bwakakɨna yɨnɨke yɨ ku'maaya yama'mawakɨna yadengɨ. Nabaai yuya kuku'nyɨ yagaalya yawɨrangabɨ'dengɨ.