Gewilde Bybelverse vanaf 2 Korin 9

Deel

God ene wakai kandre, ere wakai ere tedre, ake ple di tomara i, taragl tau mere i kodumnedi prisre, yoba pere ake ple di tenamga i kuno erumedi prio.

Ba ene swara swarade ta nomano mina tenamnedi praiglmere mere yegl tenaiglkwa paugwa. Yoba ta ene yegl, yegl teo dinan, ene kide prisre, tebi, i kide panabuka. I siragl pre yoba ta gun yedre, taraglmo i pi togwa i, God wakai kanugwa.

Ene prio! Yoba ta kaya mokna kuri ta ere yaran, kaya mokna kuri keme si yunabuka ba ye mere ere yaran, kaya mokna mere kide si yunabuka. Kuno yegl mere, ene mige moni mere tebi, God okuo ene ama taragl mere tenabuka.

Ana God ye yoba kaya mokna ere yaglsre, si nedre, eraiglmedi togwa. Tomere yegl mere God ene mabuno du ere ede podo pidre, ene yoba pere ake ple di tenaiglmedi konbauna yauro tenabuka. God ene taragl tau mere i pi yoba pere tenaiglmedi taragl kane kane ene tenan, ene taragl i, tau i makai sidre, no i pi tenaiglmedi noribi, no i pi yoba pere tomun, ye idre, God di wakai yei tenaiglkwa.

Ana God taragl wakai wakai norukwa i, nono erme drano mina mudu ta dinamga i, kuno ta erekrabuka. Ba ye taragl mere kide kaima norumara i pre nono ye di wakai yei tenamga paugwa.